فیصل آباد، تیز رفتار بس نے رکشہ کو ٹکر ماردی، حادثہ میں خاتون اور بچہ جاں بحق ہوگئے

پیر 28 اپریل 2025 20:10

فیصل آباد (اُردو پوائنٹ اخبارتازہ ترین - اے پی پی۔ 28 اپریل2025ء) تیز رفتار بس نے رکشہ کو ٹکر ماردی ، حادثہ کے نتیجہ میں خاتون اور بچہ جاں بحق ہوگئے۔تفصیلات کے مطابق فیصل آباد کے نواحی علاقہ چک نمبر 59 جی۔

(جاری ہے)

بی جڑانوالہ کھڑانوالہ روڈ پر تیز رفتار بس نے رکشہ کو ٹکر ماردی ، ٹریفک حادثہ میں خاتون 40 سالہ ارشاد بی بی زوجہ امتیاز اور ایک سالہ بچہ محمد لالا ولد امتیاز سکنہ 60 والا سٹاپ جڑانوالہ موقع پر جاں بحق ہوگئے۔ حادثہ میں ایک شخص 55 سالہ محمد شفیق سکنہ چک نمبر 33 جی۔بی اکال گڑھ زخمی ہوا۔اطلاع ملنے پر ریسکیو ٹیم نے زخمی کو ابتدائی طبی امداد دیتے ہوئے تحصیل ہیڈ کوارٹر ہسپتال جڑانوالہ منتقل کر دیا۔