سی پی او فیصل آباد کی زیر صدارت لاء اینڈ آرڈر کی صورتحال کا جائزہ کے حوالے سے اجلاس

پیر 28 اپریل 2025 21:00

فیصل آباد (اُردو پوائنٹ اخبارتازہ ترین - اے پی پی۔ 28 اپریل2025ء) سٹی پولیس آفیسرفیصل آباد صاحبزادہ بلال عمر کی زیر صدارت لاء اینڈ آرڈر کی صورتحال کا جائزہ کے حوالے سے اجلاس کا انعقاد ہوا۔اجلاس میں ایس ایس پی آپریشنز عمارہ شیرازی ، ایس ایس پی انوسٹی گیشن ناصرمحمود باجوہ، ٹاؤن ایس پیز ، ڈی ایس پیزاور ضلع بھر کے ایس ایچ اوز نے شرکت کی۔اجلاس میں لاء اینڈ آرڈر کی صورتحال کے متعلق تمام افسران کو سٹی پولیس آفیسر نے بریف کیا ۔

(جاری ہے)

انہوں نے اس موقع پر کہا کہ تمام افسران قانون نافذ کرنے والے اداروں سے مکمل تعاون کریں تا کہ پر امن اور منظم ملکی صورتحال کو یقینی بنایا جاسکے۔ نظم وضبط قائم رکھنے کیلئے قواعد وضوابط پر عمل درآمد کیا جائے۔ بے ضابطگیوں کی روک تھام ہماری اولین ترجیح ہونی چاہیے۔ایس او پیزکے مطابق حفا ظتی اقدامات کو مد نظر رکھتے ہوئے الرٹ ہوکر ڈیو ٹی سرانجام دی جائے۔ڈیوٹی میں کسی قسم کی غفلت لاپرواہی ہرگز برداشت نہ کی جائے گی۔