سعودی عرب ، ولی عہد کا ہاؤسنگ پروجیکٹس کے لیے ایک ارب ریال کا عطیہ

منگل 29 اپریل 2025 08:20

ریاض (اُردو پوائنٹ اخبارتازہ ترین - اے پی پی۔ 29 اپریل2025ء) سعودی ولی عہد شہزادہ محمد بن سلمان نے ذاتی حیثیت میں مستحق اور ضرورت مند خاندانوں کے لیے ہاؤسنگ منصوبوں کی مد میں ایک ارب ریال کا عطیہ دینے کا اعلان ہے۔

(جاری ہے)

سعودی خبررساں ایجنسی ایس پی اے کے مطابق ولی عہد نے مملکت کے مختلف علاقوں میں ضرورت مند خاندانوں کو مالکانہ حقوق پر مناسب گھروں کی فراہمی کے لیے مقامی تعمیراتی کمپنی کو ہدایت کی کہ ہاؤسنگ پروجیکٹ 12 ماہ میں مکمل کیا جائے تاکہ جلد از جلد ضرورت مند خاندانوں میں مکانات تقسیم کیے جاسکیں۔

واضح رہے سعودی قیادت کی جانب سے شہریوں کے معیار زندگی کو بلند کرنے اور بہتر رہائشی سہولتوں کی فراہمی کے حوالے سے مختلف منصوبے شروع کیے گئے ہیں جن میں ’سکن ‘ پلیٹ فارم کے تحت ’جود الاسکان‘ کے عنوان سے رہائشی منصوبہ شامل ہے۔رہائشی منصوبے کے تحت مملکت کے مختلف شہروں میں ضرورت مند خاندانوں کےلیے ہاؤسنگ پروجیکٹس کا اعلان کیا گیا ہے جہاں مناسب انداز میں جدید سہولتوں سے آراستہ ہاؤسنگ کالونیاں تعمیر کی جائیں گی۔