ڈپٹی کمشنر لاہور سید موسی رضا کی قیادت میں انسداد تجاوزات گرینڈ آپریشن جاری

لاہور کی متعدد اہم شاہراہوں پر کارروائیاں ،170املاک سربمہر، 20ٹرک تجاوزات کا سامان ضبط

منگل 29 اپریل 2025 16:26

لاہور (اُردو پوائنٹ اخبارتازہ ترین - این این آئی۔ 29 اپریل2025ء) ڈپٹی کمشنر لاہور سید موسی رضا کی قیادت میں انسداد تجاوزات گرینڈ آپریشن جاری ہے ، لاہور کی متعدد اہم شاہراہوں پر تجاوزات کے خاتمہ کے لئے کارروائیاں کے دوران 170املاک سربمہر، 20ٹرک تجاوزات کا سامان ضبط کر لیا گیا ۔

(جاری ہے)

ضلعی انتظامیہ نے وحدت روڈ، جوبلی ٹائون، نیازی چوک سے تجاوزات ختم کروا دیں ، یکی گیٹ، دہلی گیٹ اور باسط سیدن شاہ سے غیر قانونی قبضے ہٹائے گئے، میو ہسپتال، جین مندر اور نیو انارکلی میں بھی کارروائی کی گئی ، سینکڑوں بینرز، پوسٹرز، اسٹریمرز بھی ہٹائے گئے۔

اس کے ساتھ سنگین خلاف ورزیوں پر 4ایف آئی آرز درج،متعدد خلاف ورزی کرنے والوں کو انتباہی نوٹس جاری کیے گئے ۔ چیف آفیسر شاہد عباس کاٹھیا نے کہا کہ تجاوزات کے خلاف کارروائیاں جاری رہیں گی، لاہور کو تجاوزات سے پاک شہر بنانے کے لیے پرعزم ہیں، تجاوزات کے خلاف آپریشن ڈپٹی کمشنر کی براہ راست نگرانی میں جاری ہے ۔ ڈپٹی کمشنر سید موسی رضا نے کہا کہ تجاوزات کے خلاف مہم سے شہر خوبصورت ہو رہا ہے۔