Live Updates

عمران خان واضح کہہ چکے ہیں بھارت کی جارحیت کا سوچا نہیں بھرپور جواب دیا جائے گا، بیرسٹرگوہر

ہم بھارت کے اقدامات کے مقابلے میں اپنی ریاست کے فیصلوں کے ساتھ کھڑے ہیں، بانی پی ٹی آئی عمران خان مقبول عوامی رہنما ء ہیں اور ان سے مشاورت قومی معاملات میں ناگزیر ہے، چیئرمین پی ٹی آئی کی میڈیا سے گفتگو

فیصل علوی منگل 29 اپریل 2025 16:20

عمران خان واضح کہہ چکے ہیں بھارت کی جارحیت کا سوچا نہیں بھرپور جواب ..

راولپنڈی(اردوپوائنٹ اخبار تازہ ترین۔29اپریل 2025)پاکستان تحریک انصاف کے چیئرمین بیرسٹرگوہر نے کہا ہے کہ بانی پی ٹی آئی عمران خان واضح کہہ چکے ہیں بھارت کی جارحیت کا سوچا نہیں جائے گا بلکہ فوری اور بھرپور جواب دیا جائے گا، ہم بھارت کے اقدامات کے مقابلے میں اپنی ریاست کے فیصلوں کے ساتھ کھڑے ہیں،راولپنڈی میں اڈیالہ جیل کے باہر میڈیا سے گفتگو کرتے ہوئے رہنماء پی ٹی آئی کا کہنا ہے کہ بانی پی ٹی آئی عمران خان مقبول عوامی رہنما ءہیں اور ان سے مشاورت قومی معاملات میں ناگزیر ہے۔

جب ملک ایک اہم مرحلے سے گزر رہا ہے اور ہم بھارت کے خلاف قومی یکجہتی کا پیغام دے رہے ہیں ایسے میں اس نوعیت کی رکاوٹیں غیر ذمہ دارانہ روئیے کی عکاسی کرتی ہیں۔انہوں نے کہا کہ ملاقاتوں میں رکاوٹ ڈالنا انتہائی غیر مناسب عمل ہے۔

(جاری ہے)

آج ہماری اگرعمران خان سے ملاقات ہوئی تو ہم بانی پی ٹی آئی سے بھارت کے ساتھ حالیہ کشیدگی پر بھی مشاورت کریں گے۔

عدالتوں کے لارجر بنچ اور سنگل بینچ دونوں کے واضح آرڈرز موجود ہیں، لیکن تاحال ایک بھی عدالتی حکم پر مکمل عملدرآمد نہیں ہوا۔پارٹی نے نیشنل سیکیورٹی کونسل کے اعلامیے کی بھرپور حمایت کی ہے اور پاکستان کی جانب سے بھارت کیلئے فضائی حدود بند کرنے کو ایک جراتمندانہ اور مو¿ثر اقدام قرار دیاہے۔پاکستان تحریک انصاف کے چیئرمین بیرسٹرگوہر نے میڈیا سے گفتگو کرتے ہوئے مزید کہا کہ بھارت اپنے غلط بیانیے کو دنیا کے سامنے مسلط کرنے کی ناکام کوشش کر رہا ہے۔

بھارتی حکومت کی جانب سے پاکستانی نیوز چینلز پر پابندی کی شدید مذمت کرتے ہوئے کہا کہ اس سے بھارت کے نام نہاد سیکولر ازم کا پردہ چاک ہو چکا ہے۔پارٹی نے نیشنل سیکیورٹی کونسل کے اعلامیے کی بھرپور حمایت کی ہے اور پاکستان کی جانب سے بھارت کیلئے فضائی حدود بند کرنے کو ایک جراتمندانہ اور موثر اقدام قرار دیا ہے۔بیرسٹرگوہر کا یہ بھی کہنا تھا کہ بھارتی حکومت کی جانب سے پاکستانی نیوز چینلز پر پابندی کی شدید مذمت کرتے ہوئے کہا کہ اس سے بھارت کے نام نہاد سیکولر ازم کا پردہ چاک ہو چکا ہے۔

قبل ازیں پاکستان تحریک انصا ف کے چیئرمین بیرسٹرگوہر بانی پی ٹی آئی عمران خان سے ملاقات کیلئے اڈیالہ جیل کے قریب پہنچے توبیرسٹر گوہر علی خان کو جیل کے راستے میں داہگل ناکے پر روک لیا گیا۔