Live Updates

عالمی بینک نے پاکستان کیلئے 108 ملین ڈالر کی اضافی فنانسنگ کی منظوری دیدی

منگل 29 اپریل 2025 19:35

اسلام آباد(اُردو پوائنٹ اخبارتازہ ترین - این این آئی۔ 29 اپریل2025ء)عالمی بینک نے پاکستان کیلیے 108 ملین ڈالر کی اضافی فنانسنگ کی منظوری دے دی۔عالمی بینک کی جانب سے جاری اعلامیے میں کہا گیا کہ پاکستان کیلئے 108 ملین ڈالر کی اضافی فنانسنگ کی منظوری دی گئی ہے۔

(جاری ہے)

عالمی بینک کے مطابق رورل ایکسیسبیلٹی پروجیکٹ کیلئے 78 ملین ڈالر کی منظوری دی گئی ہے اور اس منصوبے سے منڈیوں اور ملازمتوں تک رسائی کو بہتر بنایا جائے گا۔اعلامیے میں کہا گیا کہ خیبرپختونخوا انٹیگریٹڈ ٹورازم ڈیولپمنٹ پراجیکٹ کیلئے 30 ملین ڈالر کی منظوری دی گئی ہے اور اس منصوبے سے صوبے میں قدرتی مزاحمت کو مضبوط بنایا جا سکے گا۔