محکمہ صحت مکران کے زیر اہتمام عالمی ہفتہ برائے حفاظتی ٹیکہ جات کے موقع پر ڈسٹرکٹ کونسل ہال تربت میں آگاہی تقریب

منگل 29 اپریل 2025 21:20

کوئٹہ (اُردو پوائنٹ اخبارتازہ ترین - اے پی پی۔ 29 اپریل2025ء) محکمہ صحت مکران کے زیر اہتمام عالمی ہفتہ برائے حفاظتی ٹیکہ جات کے موقع پر ڈسٹرکٹ کونسل ہال تربت میں آگاہی تقریب منعقد ہوئی۔تقریب کی صدارت ڈویژنل ڈائریکٹر ہیلتھ ڈاکٹر اسلم آزار نے کی جبکہ چیئرمین میونسپل کارپوریشن تربت بلغ شیر قاضی مہمانِ خصوصی تھے۔ تقریب میں محکمہ صحت کے افسران، ڈبلیو ایچ او کے نمائندے، مقامی معززین، ہیلتھ ورکرز اور کونسلرز نے شرکت کی۔

(جاری ہے)

اس موقع پر ویکسینیشن میں نمایاں خدمات انجام دینے والے ویکسینیٹرز، ڈی ایچ ایم ٹی ممبران اور کمیونٹی سپورٹرز کو تعریفی اسناد اور شیلڈز دی گئیں۔ چئیرمین میونسپل کارپوریشن نے خطاب میں حفاظتی ٹیکوں کی اہمیت اور والدین کے تعاون پر زور دیاجبکہ ڈائریکٹر ہیلتھ نے بچوں کو بروقت ٹیکے لگوانے کی ضرورت پر روشنی ڈالی۔ تقریب میں آگاہی واک اور او آر ٹی سیشنز کی رپورٹس بھی پیش کی گئیں اور اختتام پر ڈینگی کے خلاف سرگرم عملے کو بھی اعزازات سے نوازا گیا۔