نیب، پبلک سیکٹرکمپنیز میں بڑی بڑی تنخواہیں لینے والے افسروں کے خلاف انکوائریاں بند

منگل 29 اپریل 2025 21:20

اسلام آباد (اُردو پوائنٹ اخبارتازہ ترین - این این آئی۔ 29 اپریل2025ء)پبلک سیکٹرکمپنیز میں بڑی بڑی تنخواہیں لینے والے افسروں کیخلاف قومی احتساب بیورو نے انکوائریز بند کردیں، بیوروکریٹس کوتمام رقوم کی واپسی بھی شروع کردی گئی ، چیف سیکرٹری پنجاب کو تنخواہ کی وصولی کامراسلہ ارسال کردیا گیا۔ ذرائع کے مطابق ڈی جی نیب کی جانب سے چیف سیکرٹری پنجاب زاہد اختر زمان کو مراسلے میں تین کروڑ 44لاکھ 92ہزار 214روپے کے چیک وصول کرنے کی ہدایت کی گئی ہے۔

(جاری ہے)

سینئر بیوروکریٹس مجاہد شیردل، نبیل جاوید، فیصل فرید ،جواد قریشی، عائشہ حمید سمیت 16سینئر بیوروکریٹس کو رقوم کی واپس ادائیگی کی جائیگی۔یاد رہے کہ 2018ء میں سپریم کورٹ کے اس وقت کے چیف جسٹس ثاقب نثار نے ازخود نوٹس لیتے ہوئے اعلی بیوروکریٹس کوتنخواہوں کی واپسی کا حکم دیا تھا،عدالت عظمی کے احکامات پر بیالیس اعلی بیوروکریٹس میں سے 16بیوروکریٹس نے رقم جمع کرائیں جبکہ 26بیوروکریٹس نے از خود نوٹس کیس میں رقم جمع نہیں کرائی تھی۔