لاہور پولیس کی افسران و اہلکاروں کی حوصلہ افزائی کیلئے تقریب منعقد

بدھ 30 اپریل 2025 11:10

لاہور (اُردو پوائنٹ اخبارتازہ ترین - اے پی پی۔ 30 اپریل2025ء) لاہور سینٹرل پولیس آفس میں جرائم کی بیخ کنی کے لئے بہترین کارکردگی کا مظاہرہ کرنے والے پولیس افسران و اہلکاروں کی حوصلہ افزائی کیلئے تقریب منعقد ہوئی۔آئی جی پنجاب ڈاکٹر عثمان انور نے مزید 172 افسران و اہلکاروں کو 34 لاکھ 40 ہزار روپے کے کیش انعامات، تعریفی اسناد سے نوازا۔

(جاری ہے)

ترجمان پنجاب پولیس کے مطابق انعامات حاصل کرنے والوں میں 1 انسپکٹرز، 3 سب انسپکٹرز، 9 اے ایس آئیز شامل ہیں ۔

30 ہیڈ کانسٹیبلز اور 129 کانسٹیبلز کو بھی کیش انعامات و تعریفی اسناد سے نوازا گیا۔ آئی جی پنجاب نے کہا کہ افسران و اہلکاروں نے لا اینڈ آرڈر کے قیام، شہریوں کے جان و مال کے تحفظ کیلئے احسن طریقے سے فرائض انجام دئیے، خدمت خلق کے جذبے سے سرشار فرض شناس، باہمت افسران و اہلکار پنجاب پولیس کا اثاثہ ہیں۔