Live Updates

کرکٹ ٹیم گیم ہے، ایک کھلاڑی سب میچ نہیں جتواتا، سکندررضا

کھلاڑیوں کو تھوڑا وقت چاہیے، ہم نعیم کو بیک کر رہے ہیں، ٹاپ آرڈر میں فخر زمان فخر ہیں،گفتگو

بدھ 30 اپریل 2025 14:54

کرکٹ ٹیم گیم ہے، ایک کھلاڑی سب میچ نہیں جتواتا، سکندررضا

لاہور(اُردو پوائنٹ اخبارتازہ ترین - این این آئی۔ 30 اپریل2025ء)پاکستان سُپر لیگ (پی ایس ایل) کی فرنچائز لاہور قلندر کے آل راؤنڈر سکندر رضا کا کہنا ہے کہ ایک ہی کھلاڑی سب میچ نہیں جتواتا، ٹاپ آرڈر آؤٹ ہوگا تو ہماری باری آئے گی۔نجی ٹی وی سے گفتگو کرتے ہوئے سکندر رضا نے کہا کہ لاہور قلندرز کے ٹاپ آرڈر کو تھوڑا زیادہ تنقید کا نشانہ بنایا جا رہا ہے۔

انہوں نے کہا کہ کھلاڑیوں کو تھوڑا وقت چاہیے، ہم نعیم کو بیک کر رہے ہیں، ٹاپ آرڈر میں فخر زمان فخر ہیں، وہ ہر سال رنز کرتے ہیں۔ان کا کہنا ہے کہ کرکٹ ٹیم گیم ہے ہر کسی کو اپنا حصہ ڈالنا ہوتا ہے۔آل راؤنڈر کھلاڑی کے مطابق لاہور میں نیا بال کھیلنا تھوڑا مشکل ہو رہا ہے، پاور پلے میں 40 رنز پر کوئی آوٹ نہ ہو تو یہ بھی ٹھیک ہے۔

(جاری ہے)

سکندر رضا کے مطابق میں نہیں سمجھتا کہ لاہور قلندرز کا ابھی مومنٹم بنا ہے، ابھی ہم مزید بہتر کرسکتے ہیں، ابھی ہم 100 فیصد نہیں دے پا رہے۔

انہوں نے کہا کہ اچھی بات یہ ہے کہ ابھی سب پرفارم نہیں کر پا رہے پھر بھی جیت رہے ہیں۔ میں تو یہ سوچ کر پُرجوش یوں کہ اگر سب اپنا حصّہ ڈالیں گے اور ہم جیتیں گے تو کتنا مزہ آئے گا۔آل راؤنڈر کا کہنا ہے کہ ملتان سلطانز کے خلاف میچ میں ایک ہی مائنڈ سیٹ تھا کہ لاہور قلندرز کو میچ جتوانا ہے۔ میرا رول بھی یہی ہے کہ میں اننگز کے آخر تک کریز پر رہنے کی کوشش کروں۔ان کا یہ بھی کہنا ہے کہ ڈیرل مچل اور میری پازیٹو سوچ ہوتی ہے اور ملتان سلطانز کے خلاف بھی ایسا ہی تھا۔