ڈائریکٹر آپریشن اینڈ کوآرڈینیشن ڈاکٹر میر عالم خان کا ڈسٹرکٹ آفس ریسکیو پشاور کا دورہ

بدھ 30 اپریل 2025 18:55

پشاور (اُردو پوائنٹ اخبارتازہ ترین - اے پی پی۔ 30 اپریل2025ء) ڈائریکٹر جنرل ریسکیو سروسز شاہ فہد کی ہدایت پر ڈائریکٹر آپریشن اینڈ کوآرڈینیشن ڈاکٹر میر عالم خان نے گزشتہ روز ڈسٹرکٹ آفس ریسکیو پشاور کا اچانک دورہ کیا۔

(جاری ہے)

ریسکیو 1122 پشاور کی جانب سے جاری بیان کے مطابق ڈائریکٹر آپریشن اینڈ کوآرڈینیشن ڈاکٹر میر عالم خان نے سٹیشن 11 میں ڈیوٹی پر موجود جوانوں کی حاضری، یونیفارم، وہیکلز میں موجود ایمرجنسی کے دوران استعمال ہونے والے آلات کا معائنہ کیا۔

انہوں نے کنٹرول روم اور سٹور روم کا بھی دورہ کیا. اس موقع پر ڈسٹرکٹ ایمرجنسی آفیسر غیور مشتاق خان نے ڈائریکٹر آپریشن اینڈ کوآرڈینیشن کو تمام آپریشنل وہیکلز کے حوالے سے بریفنگ بھی دی۔ ڈائریکٹر آپریشن اینڈ کوآرڈینیشن ڈاکٹر میر عالم خان نے ریسکیو اہلکاروں کو ہدایات جاری کیں کہ ہر وقت کسی بھی قسم کی ایمرجنسی سے نمٹنے کےلئے الرٹ رہیں کیونکہ ہنگامی حالات میں مصیبت زدہ لوگوں کی مدد کرنا عبادت ہے۔