Live Updates

جنگ مسلط کی گئی تو بھرپور جواب دیں گے، وزیردفاع

اگر خلاف ورزی ہوتی ہے تو ہم نے ردعمل دینا ہے، جس طرح کا بھارت کا عمل ہوگا اسی طرح کا رد عمل دیا جائے گا، خواجہ آصف

بدھ 30 اپریل 2025 19:35

اسلام آباد (اُردو پوائنٹ اخبارتازہ ترین - این این آئی۔ 30 اپریل2025ء)وزیر دفاع خواجہ آصف نے کہا ہے کہ جس طرح کا بھارت کا عمل ہوگا اسی طرح کا رد عمل دیا جائے گا، بھارت کو بھرپور جواب دیں گے،جیسے جیسے وقت گزر رہا ہے حملے کے خطرات بڑھ رہے ہیں، اگر خلاف ورزی ہوتی ہے تو ہم نے ردعمل دینا ہے، جس طرح کا بھارت کا عمل ہوگا اسی طرح کا رد عمل دیا جائیگا۔

پارلیمنٹ ہاؤس کے باہر میڈیا سے گفتگو کرتے ہوئے خواجہ آصف نے کہا کہ بھارتی حملے کو دیکھیں گے، اگر خلاف ورزی ہوتی ہے تو ہم نے ردعمل دینا ہے، جس طرح کا بھارت کا عمل ہوگا اسی طرح کا رد عمل دیا جائے گا۔انہوں نے کہا کہ جیسے جیسے وقت گزر رہا ہے حملے کے خطرات بڑھ رہے ہیں، کسی کو اس میں کچھ شک نہیں ہونا چاہیے کہ بھارت کو بھرپور جواب دیں گے۔

(جاری ہے)

وزیردفاع نے کہا کہ دوست ممالک، پڑوسی ممالک اور خطے کی بڑی طاقتیں بھی ثالثی کا کردار ادا کر رہی ہیں، دوست ممالک چاہتے ہیں کہ جنگ کی صورتحال نہ بنے،اللہ کرے ان ممالک کی کوششوں سے بھارت کو کچھ عقل آئے۔خواجہ آصف نے کہا کہ شہباز شریف نے واضح کیا ہے کہ معاملے کی بین الاقوامی سطح پر تحقیقات کروائی جائیں مگر عالمی تحقیقات کے مطالبے پر بھارت نے کوئی جواب نہیں دیا، اس کا مطلب ہے دال میں کچھ کالا ہے۔

انہوں نے کہا کہ بھارتیہ جنتا پارٹی ( بی جے پی ) حکومت کو جب بھی ووٹوں کی ضرورت ہوتی ہے وہ پاکستان کو کسی نہ کسی مسئلے میں شامل کرلیتا ہے۔وزیردفاع نے و اضح کیا کہ ہماری طرف سے جنگ کا آغاز نہیں ہوگا تاہم اگر جنگ مسلط کی گئی تو بھرپور جواب دیں گے، بھارت جتنی طاقت استعمال کرے گا اس سے زیادہ طاقت سے ہم جواب دیں گے۔