خالد حسین مگسی کا سائنس اور ٹیکنالوجی کے ذریعے پسماندہ علاقوں کو ترقی دینے کا عزم

جمعرات 1 مئی 2025 15:55

اسلام آباد (اُردو پوائنٹ اخبارتازہ ترین - اے پی پی۔ 01 مئی2025ء) وفاقی وزیر برائے سائنس و ٹیکنالوجی خالد حسین مگسی نے اس بات پر زور دیا ہے کہ پسماندہ علاقوں کے شہریوں کی زندگیوں کو بہتر بنانے کے لیے سائنس اور ٹیکنالوجی سے استفادہ کیا جائے گا۔ جمعرات کو یہاں ایک اعلیٰ سطحی اجلاس کی صدارت کرتے ہوئے وفاقی وزیر نے وزارت سائنس و ٹیکنالوجی وزارت کے تحت جاری 31 ترقیاتی منصوبوں کی پیش رفت کا جائزہ لیا اور مستقبل کے اقدامات پر بھی تبادلہ خیال کیا۔

(جاری ہے)

اجلاس میں وفاقی سیکرٹری ساجد بلوچ اور مختلف منسلک تنظیموں کے سربراہان نے شرکت کی۔اجلاس کے دوران وفاقی وزیر نے اس بات پر زور دیا کہ وزیر اعظم محمد شہباز شریف کے وژن کے تحت تمام پاکستانیوں کے لیے سائنسی ترقی اور اختراعات تک یکساں رسائی کو یقینی بناتے ہوئے ترقی کو عوام پر مرکوز ہونا چاہیے۔انہوں نے زور دیا کہ بنیادی ڈھانچے سے آگے بڑھیں اور تعلیم، بیداری اور صلاحیت کی تعمیر کے ذریعے انسانی سرمائے کی ترقی پر توجہ دیں۔انہوں نے کاروبار کرنے میں آسانی کو بہتر بنانے کی اہمیت کے حوالہ سے وزارت اور اس کے اداروں پر زور دیا کہ سرمایہ کاری، تحقیق اور اختراع کو فروغ دینے کے لیے ایک شفاف اور موثر ماحول پیدا کریں۔