Live Updates

پیرپنجال ، گزشتہ کئی دنوں سے بھارتی فورسز کی محاصرے اور تلاشی کی کارروائیاں جاری

بھارتی فورسز نے جنگلات و دور دراز علاقوں میں سخت نگرانی اور تلاشی کا سلسلہ تیز کر دیا ، متعدد مقامات پر ناکے لگائے گئے ،مقامی لوگ

جمعرات 1 مئی 2025 15:57

جموں(اُردو پوائنٹ اخبارتازہ ترین - این این آئی۔ 01 مئی2025ء)غیرقانونی طورپر بھارت کے زیر قبضہ جموں وکشمیرمیں بھارتی فورسز نے پیر پنجال کے پہاڑی علاقوں باالخصوص راجوری اور پونچھ اضلاع میں گزشتہ کئی دنوں سے وسیع پیمانے پر محاصرے اور تلاشی کی کارروائیاں جاری رکھی ہوئی ہیں۔کشمیرمیڈیاسروس کے مطابق بھاتی فورسز علاقے میں مجاہدین کی موجودگی کا بہانہ بناکر لوگوں کے گھروں میں گھس کر مکینوں کو ہراساں اورگھریلو سامان کی توڑ پھوڑ کررہی ہے۔

(جاری ہے)

قابض حکام کے مطابق یہ کارروائیاں ممکنہ خطرات کو قبل از وقت روکنے کے لئے ایک پیشگی اقدام کے طور پر کی جا رہی ہیں۔ یہ کارروائیاں بھارتی فوج ، پولیس، سپیشل آپریشن گروپ اور سنٹرل آرمڈ پیرا ملٹری فورسز کے اہلکارمشترکہ طورپر کررہے ہیں۔مقامی لوگوں نے بتایاکہ بھارتی فورسز نے جنگلات اور دور دراز علاقوں میں سخت نگرانی اور تلاشی کا سلسلہ تیز کر دیا ہے، متعدد مقامات پر ناکے لگائے گئے ہیں اور داخلی و خارجی راستوں کی کڑی نگرانی کی جا رہی ہے۔