برکس ممالک طاقتور ممالک کو روکنے کے لیے کھڑے ہوں، چین

برکس ممالک کو کثیرالجہتی کے جھنڈے کو بلند رکھنا چاہئے، چینی وزیرخارجہ وانگ ای

جمعرات 1 مئی 2025 18:04

برا زیلیا (اُردو پوائنٹ اخبارتازہ ترین - این این آئی۔ 01 مئی2025ء)چین کے وزیر خارجہ وانگ ای نے برازیلیا میں قومی سلامتی کے امور کے اعلی سطحی نمائندوں کے 15 ویں برکس اجلاس میں شرکت کی۔ برکس کے قومی سلامتی کے امور کے لئے اعلی سطحی نمائندوں اور سربراہوں نے اجلاس میں شرکت کی اور بین الاقوامی سلامتی، ثالثی اور تنازعات کی روک تھام کے ساتھ ساتھ انسداد دہشت گردی اور سائبر سیکورٹی کو برقرار رکھنے میں برکس ممالک کے کردار پر تفصیلی تبادلہ خیال کیا۔

میڈیارپورٹس کے مطابق جمعرات کے روز وانگ ای نے کہا کہ بین الاقوامی سیاست کو لین دین بنانے اور بین الاقوامی تجارت کو ہتھیار بنانے اوربلیک میلنگ چپس کی تخلیق سے صرف ممالک کے درمیان اعتماد کا بحران مزید بڑھے گا اور عالمی سلامتی کے لئے حقیقی خطرہ بن جائے گا۔

(جاری ہے)

رعایتوں سے بچ نکلنے کا کوئی راستہ نہیں ہے، اور اتحاد ہی واحد امید ہی.سب سے پہلے، ہمیں ترقی کے حقوق کا محافظ بننا ہوگا۔

برکس ممالک خاموش بیٹھ کر اپنے جائز حقوق اور مفادات سے خود کو محروم ہوتے ہوئے نہیں دیکھ سکتے، انہیں طاقتور ممالک کو روکنے کے لیے واضح طور پر کھڑا ہونا چاہیے اور ترقی پذیر ممالک کے لیے ترقیاتی حقوق اور دفاع کے لیے واضح موقف اختیار کرنا چاہیے۔دوسرا، ہمیں اتحاد اور تعاون میں رہنما بننا ہوگا۔ برکس ممالک کو ایک مثال قائم کرنی چاہیے، برابری اور احترام کی صداقت کے ساتھ دبا اور محاذ آرائی کو روکنا چاہیے اور یکجہتی اور تعاون کے وژن سے منافع کی لالچ کا مقابلہ کرنا چاہیئے۔

تیسر، ہمیں کثیرالجہتی کا محافظ بننا چاہیے۔ برکس ممالک کو کثیرالجہتی کے جھنڈے کو بلند رکھنا چاہئے، اقوام متحدہ کی مرکز حیثیت پر مبنی بین الاقوامی نظام کو برقرار رکھنا چاہئے اور ڈبلیو ٹی او کی مرکزی حیثیت میں کثیر الجہتی تجارتی نظام کو تحفظ کرنا چاہیئے ، اور بین الاقوامی نظام کی ترقی کو زیادہ منصفانہ اور معقول سمت میں فروغ دینا چاہئے۔