Live Updates

دھرم پوچھ کر مارنے کی ہمت اس دیش میں کسی کو نہیں ، ایسا ہوتا تو حملے میں ایک مسلمان بھی کیوں مارا گیا ہے، چندرشیکھریادو

جمعرات 1 مئی 2025 20:33

سرینگر (اُردو پوائنٹ اخبارتازہ ترین - آن لائن۔ 01 مئی2025ء) بھار ت کے ایک اور ایم ایل نے نے بی جے پی کے عزائم کو بے نقاب کر دیا۔ راشٹریہ جنتا دل کے بہار کے ایم ایل اے چندر شیکھر یادو کا کہنا ہے کہ دھرم پوچھ کر مارنے کی ہمت اس دیش میں کسی کو نہیں ہے اگر ایسا ہوتا تو حملے میں ایک مسلمان بھی کیوں مارا گیا ہے ، مودی سرکار کی یہ مسلمانوں کے خلاف نفرت پھیلانے کی ایک چال ہے۔

پہلگام حملے پر سوال اٹھا تے ہوئے شیکھر یادو نے کہا پہلگام حملے میں ایک مسلمان نے زخمی کو کندھے پر لاد کر 20 کلومیٹر تک لے جا کر جان بچائی۔ اس واقعے میں ان 26 میں ایک مسلمان بھی مارا گیا ہے ۔ یہ حملہ مسلمانوں کیخلاف بی جے پی کے منافقوں کا کھیل ہے ۔ انہوں نے کہا حملہ آوروں کے پاس اتنا وقت نہیں ہوتا ہے کہ وہ مذہب اور ذات کا پوچھیں، اگر ایسا تھا تو مسلمان کیسے مارا گیا، نفرت پھیلانے والی بی جے پی لوگوں کو اصلی مدے سے بھٹکا کر گمراہ کرنے کی سازش کر رہی ہے۔

(جاری ہے)

چونکہ بہار میں ابھی الیکشن ہیں، اس لیے بی جے پی بہار میں نفرت انگیز ماحول بنا رہی ہے۔ انہوں نے کہا بی جے پی والے مداحوں کو پاکھنڈ اور عقیدت کے بہانے بہکا کر بی جے پی کو مضبوط کرنے آئے ہیں۔ انہوں نے کہا جو بی جے پی کا مقصد ہی, نفرت پھیلا کر ووٹ حاصل کرنے کا, اس مقصد کو ہمیں ناکام بنانا ہے۔سیاسی تجزیہ کار وں نے مسلمانوں کیخلاف نفرت کی سیاست کو مودی کی ذہنی پستی کا عکاس قرار دیتے ہوے کہا ہے کہ پہلگام حملے میں اب تک مودی اور اس کے حواریوں نے سوائے الزام تراشیوں کے کوئی کام نہیں کیا۔ چندر شیکھر کی باتیں اس بات کا ثبوت ہیں کہ مودی بھارت میں مسلمانوں کو ہدف بنا رہا ہے۔