شادی کا جھانسہ: یونیورسٹی کی طالبہ کیساتھ 2 سال سے زیادتی کرنے والا ملزم گرفتار

ملزم لڑکی کو جان سے مارنے کی دھمکیوں کے ساتھ تشدد بھی کرتا رہا، پولیس

جمعرات 1 مئی 2025 22:43

شادی کا جھانسہ: یونیورسٹی کی طالبہ کیساتھ 2 سال سے زیادتی کرنے والا ..

لاہور (اُردو پوائنٹ اخبارتازہ ترین - آن لائن۔ 01 مئی2025ء) یونیورسٹی کی طالبہ کے ساتھ شادی کا جھانسہ دے کر 2 سال سے زیادتی کرنے والا ملزم گرفتار کر لیا گیا۔ پولیس کے مطابق حکام نے کیس کا نوٹس لیتے ہوئے ملزم کو فوری گرفتار کرنے کا حکم دیا تھا جس پر کارروائی کرتے ہوئے نجی یونیورسٹی کی طالبہ کو شادی کا جھانسہ دے کر زیادتی کرنے والے ملزم کو گرفتار کر لیا گیا۔

(جاری ہے)

قلعہ گجر سنگھ پولیس نے بتایا کہ ملزم بابر کی سوشل میڈیا پر لڑکی سے بات چیت ہوئی جس کے بعد ملزم بابر لڑکی کو 2 سال تک شادی کا جھانسہ دے کر زیادتی کرتا رہا۔ ملزم لڑکی کو جان سے مارنے کی دھمکیاں دیتا رہا اور اس نے تشدد بھی کیا۔ ملزم بابر کو گرفتار کر کے مزید تفتیش کے لئے جینڈر سیل کے حوالے کر دیا گیا۔ پولیس حکام کا کہنا ہے کہ خواتین و بچوں سے زیادتی کرنے والے کسی رعایت کے مستحق نہیں۔