Live Updates

ہم سیالکوٹ میں بسنے والے مودی کی ناپاک سوچ کے سامنے کھڑے ہیں، فردوس عاشق

مقبوضہ کشمیر میں بھارت کی 7 لاکھ فوج ہے پہلگام واقعہ کیسے ہوا،بین الاقوامی ادارے اور خصوصاً یو این کو نوٹس لینا چاہیے، سابق وزیر

جمعرات 1 مئی 2025 23:07

ہم سیالکوٹ میں بسنے والے مودی کی ناپاک سوچ کے سامنے کھڑے ہیں، فردوس ..

سیالکوٹ (اُردو پوائنٹ اخبارتازہ ترین - این این آئی۔ 01 مئی2025ء)سابق وفاقی وزیر ڈاکٹر فردوس عاشق اعوان نے کہا ہے کہ ہم سیالکوٹ میں بسنے والے مودی کی ناپاک سوچ کے سامنے کھڑے ہیں۔

(جاری ہے)

پریس کانفرنس کرتے ہوئے فردوس عاشق اعوان نے کہا کہ مقبوضہ کشمیر میں بھارت کی 7 لاکھ فوج ہے پہلگام واقعہ کیسے ہوا،بین الاقوامی ادارے اور خصوصاً یو این کو نوٹس لینا چاہیے۔فردوس عاشق نے کہا کہ پاکستان زرعی اجناس پیدا کرکے پوری دنیا کی غذائی ضروریات پوری کرتا ہے، پاکستان کی فوڈ سیکیورٹی پر حملہ در حقیقت دنیا کی فوڈ سیکیورٹی پر حملہ ہے۔انہوں نے کہا کہ مودی کی احمقانہ سوچ ریجن میں قحط سالی پیدا کرے گی، ہم امن کے خواہشمند ہیں اسے ہماری کمزوری نہ سمجھا جائے۔