مولانا فضل الرحمن کی ایرانی سفیر سے ملاقات ،موجودہ ملکی سیاسی صورتحال پر گفتگو

مودی خطے میں جنگی سیاست کے ذریعے اپنی بقاء چاہتا ہے،بھارت کا جواب دینے کی بھرپور صلاحیت رکھتے ہیں، سربراہ جے یو آئی

جمعہ 2 مئی 2025 19:42

مولانا فضل الرحمن کی ایرانی سفیر سے ملاقات ،موجودہ ملکی سیاسی صورتحال ..

اسلام آباد (اُردو پوائنٹ اخبارتازہ ترین - این این آئی۔ 02 مئی2025ء)سربراہ جے یو آئی (ف)مولانا فضل الرحمان نے ایرانی سفیر ڈاکٹر رضا مقدمی سے ملاقات کی جس میں دونوں رہنماؤں میں موجودہ ملکی سیاسی صورتحال پر گفتگو کی گئی ۔ سربراہ جے یو آئی مولانا فضل الرحمان نے حالیہ دنوں میں ایرانی شہر بندر عباس میں بم دھماکے پر اظہار افسوس کیا ہے ۔

(جاری ہے)

ملاقات میں دونوں رہنماؤں میں موجودہ ملکی سیاسی صورتحال پر گفتگو اور حالیہ پاک بھارت کشیدگی پر تبادلہ خیال کیا گیا ۔

مولانا فضل الرحمن نے کہاکہ مودی خطے میں جنگی سیاست کے ذریعے اپنی بقاء چاہتا ہے،بھارت کا جواب دینے کی بھرپور صلاحیت رکھتے ہیں۔ ملاقات میں خطے میں امن وامان کے قیام پر اتفاق کیاگیا ۔ ایرانی سفیر نے مولانا فضل الرحمان کو مسئلہ فلسطین پر جاندار موقف اپنانے پر خراج تحسین پیش کیا ۔ ایرانی سفیر نے کہاکہ مسئلہ فلسطین امت مسلمہ کا متفقہ مسلمہ ہے۔ایرانی سفیر نے مولانا فضل الرحمان کو دورہ ایران کی دعوت دی