Live Updates

میری دنیا ہی اجڑ گئی،مودی جی یہ کیا کر دیا، اکاؤنٹ بلاک ہونے پراشنا شاہ کا طنز

ہفتہ 3 مئی 2025 12:30

کراچی(اُردو پوائنٹ اخبارتازہ ترین - این این آئی۔ 03 مئی2025ء)پہلگام حملے پرمودی سرکار کے پاکستان پر بے بنیاد الزام عائد کرنے کے بعد بھارتی وزارت اطلاعات و نشریات نے متعدد پاکستانی کرکٹرز اور فنکاروں کے سوشل میڈیا اکاؤنٹ بھارت میں بلاک کر دیئے جن پاکستانی اداکاراوں کے بھارت میں انسٹاگرام اکاؤنٹس بند کئے گئے ہیں ان میں معروف اداکارہ اور میزبان اشنا شاہ بھی شامل ہیں، اشنا شاہ نے بھارتی حکومت کے اس بچگانہ اور مضحکہ خیز اقدام کا دلچسپ اندازمیں جواب دیا ہے۔

(جاری ہے)

اشنا شاہ نے طنزا لکھا کہ میری دنیا ہی اجڑ گئی ابھی، مودی جی یہ کیا کر دیا اداکارہ نے ٹوٹے دل اور رونے کے ایموجیز بھی استعمال کئے۔اشنا شاہ کے اس طنزیہ وار کو سوشل میڈیا نے کافی سراہا اور ایک صارف نے لکھا کہ کاش یہ طنز مودی کو سمجھ میں آجائے۔ایک اور سوشل میڈیا صارف نے لکھا کہ آپ جنہیں سمجھا رہی ہیں وہ عقل کے کچے ہیں اور اگر نہیں ہوتے تو کبھی یہ مضحکہ خیز کام نہیں کرتے۔