موٹر و ے گینگ ریپ کیس ،سزائے موت کے قیدیوں کی سزاکیخلاف اپیلوں پرسماعت 8 مئی کو مقرر

ہفتہ 3 مئی 2025 15:04

لاہور (اُردو پوائنٹ اخبارتازہ ترین - این این آئی۔ 03 مئی2025ء)لاہور ہائیکورٹ نے موٹر و ے گینگ ریپ کیس میں سزائے موت کے دو قیدیوں عابد ملہی اور شفقت بگا کی سزا کے خلاف اپیلوں پرسماعت 8مئی کو مقرر کردی ۔

(جاری ہے)

جسٹس سیدشہبازعلی رضوی اور جسٹس طارق محمود باجوہ پر مشتمل دو رکنی بینچ مجرمان عابد ملہی اور شفقت بگا کی سزا کے خلاف اپیلوں پر سماعت کرے گا، تھانہ گجر پورہ نی9ستمبر2020ء کو وقوعہ کا مقدمہ درج کیا تھا،مجرمان کے خلاف زیردفعہ 365اے،392، 7اے ٹی اے، زیردفعہ427سمیت دیگر دفعات کے تحت مقدمہ درج ہوا، انسدادِ دہشت گردی عدالت نے دونوں مجرمان کو20مارچ 2021ء کو زیادتی کے جرم میں سزائے موت کا حکم سنایا، ٹرائل کورٹ نے مجرمان کو ڈکیتی میں14سال قید اورڈھائی لاکھ جرمانہ کا بھی حکم سنایا تھا، خاتون کے بچوں کو اغواء کرنے کے جرم میں عمرقید کی سزا سنائی گئی تھی، متاثرہ خاتون کی گاڑی کونقصان پہنچانے پرمجرمان کو پانچ سال کی سزا سنائی گئی تھی۔