موودی سرکار نے اپنے شہریوں پر زندگی تنگ کردی

صرف ووٹر شناختی کارڈ یا پاسپورٹ کو ہندوستانی شہریت کا ثبوت سمجھا جائے گا،پولیس

ہفتہ 3 مئی 2025 17:09

نئی دہلی (اُردو پوائنٹ اخبارتازہ ترین - این این آئی۔ 03 مئی2025ء)مودی سرکار نے پاکستانیوں کے بغض میں ایک اور اقدام اٹھاتے ہوئے اپنے ہی شہریوں کی زندگی اجیرن کردی۔بھارتی میڈیا کے مطابق دارالحکومت دہلی کی عوام کو اب اپنی شہریت ثابت کرنے کے لیے آدھار، پین اور راشن کارڈ کے ساتھ ساتھ مزید دو دستاویزات بھی پولیس کو دکھانے ہوں گے۔مودی حکومت نے شہریت ثابت کرنے سے متعلق ایک بڑا فیصلہ کیا ہے، دہلی کی عوام کو شہریت ثابت کرنے کیلیے اپنے ساتھ دو دستاویزات رکھنے ہوں گے۔

(جاری ہے)

دہلی پولیس کی نئی ہدایات کے مطابق صرف ووٹر شناختی کارڈ یا پاسپورٹ کو ہندوستانی شہریت کا ثبوت سمجھا جائے گا۔بھارتی میڈیا کے مطابق مودی حکومت کی جانب سے لیے گئے اس فیصلے کا مقصد دہلی میں غیرملکی خصوصا مسلمان اور پاکستانی رہائشیوں کی شناخت کرنا ہے۔اس سے قبل بھارتی حکومت برتھ سرٹیفکیٹ اور ڈومیسائل سرٹیفکیٹ کو شہریت ثابت کرنے کیلیے بنیادی دستاویز مانتی تھی۔بھارتی میڈیا کی جانب سے اپنی رپورٹ میں دعوی کیا گیا کہ دہلی میں موجود تقریبا 3500 پاکستانی شہریوں میں سے اب تک 400 سے زائد کو واپس بھیج دیا گیا ہے۔