Live Updates

آزادی صحافت اور آزادی اظہار ملک کی ترقی کا ضامن ہے‘حافظ حمداللہ

ہفتہ 3 مئی 2025 19:45

اسلام آباد(اُردو پوائنٹ اخبارتازہ ترین - آن لائن۔ 03 مئی2025ء)جمعیت علماء اسلام کے مرکزی رہنما حافظ حمداللہ نے کہا ہے کہ آزادی صحافت اور آزادی اظہار ملک کی ترقی کا ضامن ہے‘پاکستا میں پیکا جیسے سیاہ قانون کے تحت آزادی صحافت کا جنازہ نکال دیا گیا ہے۔یوم صحافت پرمرکزی رہنما جے یو آئی حافظ حمداللہ نے بیان میں کہا کہ آزادی صحافت اور آزادی اظہار ملک کی ترقی کا ضامن ہے۔

پاکستان آزادی صحافت میں دنیا کے خطرناک ممالک میں شمار ہوتا ہے۔ گذشتہ سال پاکستان میں متعدد صحافی قتل ہوئے ہیں۔

(جاری ہے)

سو سے زیادہ مقدمات درج کئے گئے ہیں اور دوسو سے زائد صحافیوں کو نوٹس ملے ہیں۔پاکستا میں پیکا جیسے سیاہ قانون کے تحت آزادی صحافت کا جنازہ نکال دیا گیا ہے۔ حافظ حمد اللہ نے کہا کہ جے یو آئی یکسر مسترد کرچکی ہے اور مسترد کرتی ہے۔

ریاستی اور غیر ریاستی جبر کی مبینہ کاروائیوں سے آزادی صحافت کو شدید خطرات لاحق ہیںلیکن جے یو آئی آزادانہ اورذمہ دارانہ سچائی پر مبنی صحافت پر یقین رکھتی ہے۔ حافظ حمد اللہ نے کہا کہ جبر اور دباو کے باوجود جے یو آئی آزادی صحافت کی حمایت جاری رکھے گی اور پیکا جیسے سیاہ قوانین کو جے ہو آئی مسترد کرنے کے ساتھ ساتھ سمندر برد کریگی۔