Live Updates

وزارت تجارت کا بڑا اقدام،بھارتی مصنوعات پاکستان کی زمینی، فضائی یا سمندری راستے سے نہیں گزرسکیں گی

قومی سلامتی اور عوامی مفاد کے پیشِ نظر بھارتی ساختہ مصنوعات کی پاکستانی حدود سے ترسیل پر پابندی عائد کردی

اتوار 4 مئی 2025 20:30

وزارت تجارت کا بڑا اقدام،بھارتی مصنوعات پاکستان کی زمینی، فضائی یا ..

اسلا م آباد(اُردو پوائنٹ اخبارتازہ ترین - این این آئی۔ 04 مئی2025ء)وزارت تجارت نے بڑا اقدام کرتے ہوئے کہاہے کہ بھارتی مصنوعات پاکستان کی زمینی،فضائی یا سمندری راستے سے نہیں گزرسکیں گی، امپورٹ ایکسپورٹ ایکٹ 1950کے تحت ایس آر او جاری کردیا گیا۔رپورٹ کے مطابق قومی سلامتی اور عوامی مفاد کے پیش نظر بھارتی ساختہ مصنوعات کی پاکستانی حدود سے ترسیل پر پابندی عائد کردی۔

(جاری ہے)

رپورٹ کے مطابق پاکستان نے بھارت میں تیار کردہ اشیا کی تیسرے ممالک کے ذریعے بذریعہ سمندر، زمین یا فضائی راستے پاکستان سے گزرنے والی درآمدات پر پابندی کردی جس کے تحت بھارت سے تیسرے ممالک کی بذریعہ سمندر، زمین یا فضائی راستے پاکستان سے گزرنے والی درآمدات پر پابندی ہوگی۔ان بھارتی درآمدات/برآمدات پر احکامات لاگو نہیں ہوں گی جن کے لیے بل آف لیڈنگ (B/L)یا لیٹر آف کریڈٹ (L/C)4مئی سے قبل جاری یا قائم کیا گیا ہو۔پاکستان نے اپنی زمینی فضائی اور سمندری حدود کو بھارتی امپورٹ اور ایکسپورٹ کیلئے بند کردیا، کسی تیسرے ملک سے بھی بھارتی درآمدی اور برآمدی مصنوعات کی پاکستانی فضائی، سمندری یا زمینی حدود سے گزرنے پر پابندی ہوگی۔