سوراب ، پولیس مقابلے میں تین ڈاکو زخمی حالت میں گرفتار

اتوار 4 مئی 2025 17:45

سوراب (اُردو پوائنٹ اخبارتازہ ترین - این این آئی۔ 04 مئی2025ء)سوراب میں پولیس مقابلے میں تین ڈاکو زخمی حالت میں گرفتارکرلئے گئے، ملزمان نے متعدد ڈکیتیوں اور اسٹریٹ کرائم میں ملوث ہونے کا اعتراف کیا۔ تفصیلات کے مطابق سوراب پولیس نے ایک کامیاب کارروائی کے دوران پولیس مقابلے میں تین خطرناک ڈاکوؤں کو زخمی حالت میں گرفتار کر لیا۔ اس حوالے سے پولیس نے ایک اہم پریس کانفرنس کرتے ہوئے انکشاف کیا کہ گرفتار ملزمان مختلف ڈکیتیوں، راہ زنی اور اسٹریٹ کرائم کی وارداتوں میں ملوث رہے ہیں۔

ایس پی سوراب محمد ایوب نے پریس کانفرس کرتے ہوئے کہا کہ گرفتار ملزمان کا تعلق نصیر آباد، قلات اور دیگر قریبی علاقوں سے ہے، اور وہ گزشتہ کئی ماہ سے سوراب اور آس پاس کے علاقوں میں خوف و ہراس پھیلانے میں سرگرم تھے۔

(جاری ہے)

دورانِ تفتیش ملزمان نے کئی وارداتوں کا اعتراف بھی کیا ہے، جبکہ مزید تحقیقات جاری ہیں۔ گرفتار ڈاکوؤں کے قبضے سے اسلحہ، مسروقہ سامان اور موٹر سائیکلیں بھی برآمد کی گئی ہیں۔

عوام نے پولیس کی بروقت کارروائی کو سراہا اور مطالبہ کیا ہے کہ باقی مفرور عناصر کے خلاف بھی سخت اقدامات کیے جائیں تاکہ علاقے میں پائیدار امن قائم ہو۔اس موقع پر ڈی ایس پی سوراب ناصر حسین،ایس ایچ او سوراب عبدالحفیظ موسیانی،ایڈیشنل ایس ایچ او محمد یونس لانگو،سی آئی اے انچارج سرور مہتاب محمد حسنی،اے ایس آئی خلیل اکبر محمدحسنی،سنیئر تفتیشی آفیسر عبدالرشید محمد حسنی،ایڈ محرر عظیم خلدی محمد حسنی،گدر انچارج چوکی عبدالقیوم اور دیگر پولیس ٹیم بھی موجود تھے۔

Facebook Twitter Google + Share on Whatsapp

سوراب ، پولیس مقابلے میں تین ڈاکو زخمی حالت میں گرفتار

متعلقہ عنوان :

مزید اہم خبریں