Live Updates

پی ایس ایل 10، کراچی کنگز کا لاہور قلندرز کیخلاف ٹاس جیت کر باولنگ کا فیصلہ

پوائنٹس ٹیبل پر لاہور قلندرز تیسرے جب کہ کراچی کنگز چوتھے نمبر پر ہے

ذیشان مہتاب اتوار 4 مئی 2025 19:32

پی ایس ایل 10، کراچی کنگز کا لاہور قلندرز کیخلاف ٹاس جیت کر باولنگ کا ..

لاہور (اردو پوائنٹ تازہ ترین اخبار ۔ 4 مئی 2025ء) پاکستان سپر لیگ 10 کے 24ویں مقابلے میں کراچی کنگز نے لاہور قلندرز کیخلاف ٹاس جیت کر پہلے باولنگ کرنے کا فیصلہ کیا ہے۔

پی ایس ایل پلے آف کی دوڑ دن بدن سخت ہوتی جا رہی ہے اور لاہور قلندرز اور کراچی کنگز کو آج رات لاہور میں ایک دوسرے کے آمنے سامنے ہونے پر پی ایس ایل 10 پوائنٹس ٹیبل پر جگہ بنانے کا موقع ملے گا۔

پاکستانی شائقین کے دلوں کے قریب پی ایس ایل 10 کا راولپنڈی کرکٹ سٹیڈیم میں ایک رنگارنگ تقریب سے آغاز ہوگیا، پی ایس ایل 10 کے میچز قذافی سٹیڈیم، لاہور، راولپنڈی کرکٹ اسٹیڈیم اور نیشنل بینک سٹیڈیم ،کراچی میں کھیلے جائیں گے۔ قذافی سٹیڈیم، لاہور 18 مئی کو ہونے والے فائنل کی میزبانی کرے گا۔

اسلام آباد یونائیٹڈ واحد ٹیم ہے جس نے پی ایس ایل تین مرتبہ ( 2016ء، 2018ء، 2024ء) جیتی ہے جب کہ لاہور قلندرز نے دو مرتبہ ( 2022ء، 2023ء) ٹائٹل جیتا ہے۔

(جاری ہے)

پی ایس ایل 10 میں کرکٹ کے دنیا کے کئی بڑے نام کمنٹری میں نظر آئیں گے جن میں انگلینڈ کے سابق ٹیسٹ کپتان سر ایلیسٹر کک اور ایم سی سی کے سابق صدر مارک نکولس کے نام قابل ذکر ہیں۔

پی ایس ایل میں شائقین کی دلچسپی کے لیے مختلف اقدامات کیے گئے ہیں جن میں پہلی مرتبہ ہر میچ میں مکمل اردو کمنٹری ، میچوں کے دوران ریفل ٹکٹ کے ذریعے انعامات اور نئی جدت کے ساتھ پلیئر ٹریکنگ ٹیکنالوجی کا متعارف کرایا جانا شامل ہے۔

ناظرین اس پی ایس ایل میں 32 کیمروں اور جدید ٹیکنالوجی کے ساتھ کوریج کے اعلی معیار سے لطف اندوز ہوسکیں گے اور یہ ایونٹ مختلف چینلز اور ڈیجیٹل پلیٹ فارمز کے ذریعے دنیا بھر میں دیکھا جاسکے گا۔