Live Updates

کراچی کنگز کے اسکواڈ میں اہم تبدیلیاں کر دی گئیں

فاسٹ باؤلر فواد علی ہیمسٹرنگ انجری کا شکار ہونے کے بعد آئندہ چند میچز سے باہر ہو گئے ہیں

پیر 5 مئی 2025 14:25

کراچی کنگز کے اسکواڈ میں اہم تبدیلیاں کر دی گئیں

کراچی(اُردو پوائنٹ اخبارتازہ ترین - این این آئی۔ 05 مئی2025ء) ایچ بی ایل پاکستان سپر لیگ (پی ایس ایل) سیزن 10 کے دوران کھلاڑیوں کی انجری کے باعث کراچی کنگز نے اپنے اسکواڈ میں چند تبدیلیاں کی ہیں۔فاسٹ باؤلر فواد علی ہیمسٹرنگ انجری کا شکار ہونے کے بعد آئندہ چند میچز سے باہر ہو گئے ہیں۔

(جاری ہے)

فواد کی جگہ ایمرجنگ کیٹیگری میں کراچی کنگز نے پاکستان انڈر 19 ٹیم کے کپتان اور وکٹ کیپر بیٹر سعد بیگ کو اسکواڈ میں شامل کیا ہے جو اس سیزن میں پہلے ہی دو میچز کھیل چکے ہیں، جن میں انہوں نے خاص طور پر اسلام آباد یونائیٹڈ کے خلاف ایک پر اعتماد اننگز سے اپنی صلاحیتوں کا مظاہرہ کیا تھا۔

اس کے علاوہ، کراچی کنگز نے فاسٹ باؤلر شاہنواز دہانی کو اسکواڈ میں شامل کر لیا ہے جو ایڈم ملن کی جگہ لیں گے۔ ایڈم ملن گھٹنے کی انجری کے باعث پہلے ہی ایچ بی ایل پی ایس ایل 10 سے باہر ہو چکے ہیں۔دہانی اپنی رفتار، جوش اور جارحانہ باؤلنگ کے لیے جانے جاتے ہیں، اور کراچی کنگز کی باؤلنگ لائن اپ میں ایک مؤثر اضافہ ثابت ہوں گے۔