چین میں 2 کشتیاں الٹ گئیں، 3 افراد ہلاک، 20 لاپتہ

اچانک بارش، ژالہ باری اور تیز ہواوں کے باعث کشتیاں الٹ گئیں،چینی میڈیا

پیر 5 مئی 2025 15:51

بیجنگ(اُردو پوائنٹ اخبارتازہ ترین - این این آئی۔ 05 مئی2025ء)چین کے شہر کیانگژی کے قریب دریائے وو میں اتوار کو 2 کشتیاں بارش اور تیز ہواں کے باعث الٹ کر ڈوب گئیں جس کے نتیجے میں 3 افراد ہلاک ہو گئے۔

(جاری ہے)

چینی میڈیا کے مطابق چین کے جنوب مغربی صوبے گوئژو میں اتوار کو یہ واقعہ اس وقت پیش آیا جب 2 کشتیوں میں لگ بھگ 70 افراد سوار تھے۔یہ افراد چین کے سب سے لمبے دریا یانگژی کے معاون دریائے وو میں سفر کر رہے تھے کہ اچانک بارش، ژالہ باری اور تیز ہواوں کے باعث کشتیاں الٹ گئیں اور 3 افراد ہلاک ہو گئے۔ حادثے کے بعد امدادی اداروں نے 50 افراد کو ریسکیو کر لیا جبکہ 20 افراد اب تک لاپتہ ہیں اور ان کی تلاش جاری ہے۔