جیکب آباد پولیس کی کارروائیاں، بھاری مقدار میں چرس برآمد کرکے 5 ملزمان کو گرفتار کرلیا

پیر 5 مئی 2025 19:40

جیکب آباد (اُردو پوائنٹ اخبارتازہ ترین - این این آئی۔ 05 مئی2025ء) جیکب آباد پولیس کی کارروائیاں، بھاری مقدار میں چرس برآمد کرکے 5 ملزمان کو گرفتار کرلیا۔

(جاری ہے)

تفصیلات کے مطابق جیکب آباد پولیس نے مختلف مقامات پر کاروائیاں کرتے ہوئے بھاری مقدار میں چرس برآمد کرکے 5 ملزمان کو گرفتار کرنے کا دعویٰ کیا ہے، گڑہی حسن تھانہ کی پولیس نے جاڑا واہ کے قریب چیکنگ کے دوران ایک ملزم محمد علی گھنیو کو گرفتار کرکے اس کے قبضے سے 3 کلو چرس برآمد کرلی ہے، علاوہ ازیں سی آئی اے پولیس نے تین مختلف مقامات پر کاروائیاں کرتے ہوئے امداد علی کلہوڑو سے 600 گرام، دوسرے ملزم اشفاق شیخ سے 550 گرام اور تیسرے ملزم فداحسین سے 1100 گرام چرس برآمد کرکے گرفتار کرلیا ہے، دریں اثناء سول لائن تھانہ کی پولیس نے کاروائی کرتے ہوئے ایک ملزم امداد علی کو گرفتار کرکے اس کے قبضے سے 300 گرام چرس برآمد کرلی، پولیس نے گرفتار تمام ملزمان کے خلاف مقدمہ درج کرلیا ہے۔