کراچی‘ ساحل سمندر پر قیمتی مینگروز درخت کاٹنے پر پہلی ایف آئی آر درج

مینگروز کاٹنے والوں کو کراچی پورٹ اینٹی انکروچمنٹ ٹیم نے حراست میں لے لیا

منگل 6 مئی 2025 14:17

کراچی (اُردو پوائنٹ اخبارتازہ ترین - این این آئی۔ 06 مئی2025ء)کراچی کے ساحل سمندر پر قیمتی مینگروز درخت کاٹنے پر پہلی ایف آئی آر درج کر لی گئی۔کے پی ٹی ذرائع کے مطابق مینگروز کٹائی پر صوبائی اور وفاقی حکومت کی مشترکہ کوآرڈینیشن سامنے آئی ہے۔

(جاری ہے)

مینگروز کاٹنے والوں کو کراچی پورٹ اینٹی انکروچمنٹ ٹیم نے حراست میں لے لیا، کارروائی کے بعد محکمہ جنگلات حکومت سندھ نے ملزمان کے خلاف ایف آئی درج کروا دی۔کے پی ٹی ذرائع کے مطابق یہ ایف آئی آر مینگروز کٹائی پر درج ہونے والی پہلی ایف آئی آر ہے۔