کروڑوں روپے کی عدم ادائیگی پر بلدیہ کی بجلی منقطع کی، کے الیکٹرک

بدھ 7 مئی 2025 21:13

کراچی(اُردو پوائنٹ اخبارتازہ ترین - این این آئی۔ 07 مئی2025ء) بلدیہ میں بجلی کی عدم فراہمی کیخلاف عوامی احتجاج پر کے الیکٹرک ترجمان نے وضاحت دے دی۔اس حوالے سے ترجمان کے الیکٹرک نے کہا کہ کراچی کے علاقے حب ریور روڈ پر سوات کالونی کے رہائشیوں نے بجلی منقطع کرنے پر احتجاجی مظاہرہ کیا۔

(جاری ہے)

ترجمان کے الیکٹرک نے کہا کہ بلدیہ میں کروڑوں روپے کی عدم ادائیگیوں کے باعث نادہندگان کی بجلی منقطع کی گئی۔

انہوں نے بتایا کہ علاقہ معززین کی جانب سے واجب الادا رقم کی ادائیگیوں کی یقین دہانیوں کے بعد بجلی کو بحال کردیا گیا تھا۔ترجمان کے الیکٹرک کے مطابق منقطع کیے گئے نادہندگان پرواجب الادا رقم32کروڑ سے تجاوز کرچکی ہے، علاقہ مکین وقت پر بجلی کے بلوں کی ادائیگی کو یقینی بنائیں۔ترجمان نے کہا کہ وقت پر کی گئی ادائیگیاں علاقے کی لوڈ شیڈنگ میں کمی یا خاتمے کا اہم جز ہیں۔