Live Updates

پاک فوج کے سربراہ جنرل سید عاصم منیر کا ائیر ہیڈکوارٹر کا دورہ

بدھ 7 مئی 2025 22:40

راولپنڈی (اُردو پوائنٹ اخبارتازہ ترین - اے پی پی۔ 07 مئی2025ء) پاک فوج کے سربراہ جنرل سید عاصم منیر نے بدھ کو ائیر ہیڈکوارٹر کا دورہ کیا جہاں پر چیف آف ائیر سٹاف ائیر چیف مارشل ظہیر احمد بابر سدھو نے ان کا گرم جوشی سے استقبال کیا۔

(جاری ہے)

آئی ایس پی آر کے مطابق آرمی چیف نے چیف آف ائیر سٹاف اور ائیر فورس کے شاہینوں کو بھارتی ائیر فورس کی طرف سے کی جانے والی جارحیت کے مذموم منصوبے کو فوراً ناکام بنانے پر خراج تحسین پیش کیا۔

آرمی چیف نے پاکستان ائیر فورس کو ایک بار پھر دشمن کے متعدد جہاز مار گرانے اور اپنا لوہا منوانے پر بے حد سراہا۔آرمی چیف نے تینوں سروسز کے مابین بہترین تعاون کو بھی سراہا۔ملاقات کے دوران اس عزم کو دہرایا گیا کہ کسی کو بھی پاکستان کی جغرافیائی سالمیت کی خلاف ورزی نہیں کرنے دی جائے گی اور جو بھی اس کی کوشش کرے گا، اس کی قیمت ادا کرے گا۔