مظفرآباد ،زیر تعمیر سی ایم ایچ فلائی اوور سست روی کا شکار،مریضوں سمیت راہگیروں کو شدید مشکلات کا سامنا

منگل 6 مئی 2025 14:54

مظفرآباد (اُردو پوائنٹ اخبارتازہ ترین - این این آئی۔ 06 مئی2025ء)زیر تعمیر سی ایم ایچ فلائی اوور سست روی کا شکار،مریضوں سمیت راہگیروں کو شدید مشکلات کا سامنا مرکزی سیکرٹری اطلاعات ونشریات مسلم لیگ ن یوتھ ونگ آزاد جموں وکشمیر شرافت علی خلجی کا حکومت آزادکشمیر سے جلد سی ایم ایچ فلائی اوور مکمل کروانے کا مطالبہ،شرافت علی خلجی نے کہا کہ متعدد بار اس اہم نوعیت کے معاملے کی توجہ وزیراعظم آزادکشمیر سمیت متعلقہ محکمہ جات کو دلوا چکے ہیں لیکن اہم نوعیت کا منصوبہ تاحال نہ مکمل ہو سکا جس کے باعث شہریوں کو شدید مشکلات کا سامنا ہے۔

انھوں نے وزیراعظم آزادکشمیر سے خصوصی مطالبہ کیا ہے کہ وہ اس منصوبے کی تکمیل میں اپنا کلیدی کردار ادا کریں اور شہریان مظفرآباد کی اس اذیت سے جان چھڑوائیں۔

(جاری ہے)

انھوں نے کہا کہ حکومت آزادکشمیر نے عوامی مسائل حل کرنے کے بجائے عوام کو مزید مسائل کی دلدل میں دھکیلا جو کہ حکمرانوں کے لئے لمحہ فکریہ ہے ایک طرف عوام مہنگائی کی چکی میں پس رہے ہیں اور دوسری جانب مسائل دن بدن بڑھ رہے ہیں ان کا کہنا تھا کہ سی ایم ایچ ہسپتال میں آنے والے مریضوں کو بھی فلائی اوور نہ مکمل ہونے کی وجہ سے شدید مشکلات کا سامنا ہے حکومت آزادکشمیر جلد از جلد اس اہم نوعیت کے منصوبے کو مکمل کروانے میں اپنا کردار ادا کرے تاکہ عوام کو ریلیف مل سکے۔