نوشہرہ ورکاں ،موضع ارتالی ورکاں میں مقتولین کا مزید ایک ساتھی چل بسا ،قاتل سمیت تعداد سات ہو گئی، پولیس ترجمان

منگل 6 مئی 2025 17:12

نوشہرہ ورکاں (اُردو پوائنٹ اخبارتازہ ترین - اے پی پی۔ 06 مئی2025ء) نوشہرہ ورکاں کے نواحی گاوں ارتالی ورکاں میں قتل و غارت گری کے بڑے واقعہ میں مرکزی ملزم عمران عرف شیرو سمیت ہلاک ہونے والے افراد کی تعداد سات ہو گئی ہے۔

(جاری ہے)

پولیس ترجمان کے مطابق 5 مقتولین کے ساتھ شدید زخمی نوجوان ڈسٹرکٹ ہسپتال گوجرانوالہ میں دوران علاج جان کی بازی ہار گیا ،جبکہ پولیس مقابلے میں ہلاک ہونے والے ملزم عمران عرف شیرو کا گن مین ملزم فقیر حسین کشمیری ساکن قاضی کوٹ ، گوجرانوالہ ٹراما سنٹر میں زیر علاج ہے اور اسکی حالت تشویش ناک بیان کی گئی ہے۔تاہم سات انسانی جانوں کے ضیاع کی کوئی بڑی وجہ سامنےنہ آنےسے تمام حلقے افسردہ ہیں ۔\378