نوشہرہ خیرآباد افغان کیمپ سے چھ ماہ کی نولود بچی سونیہ کے آغواء کیس ،سونیہ کے والد مدعی مقدمہ عدالت کے سامنے پیش

منگل 6 مئی 2025 20:50

نوشہرہ (اُردو پوائنٹ اخبارتازہ ترین - آن لائن۔ 06 مئی2025ء)نوشہرہ خیرآباد افغان کیمپ سے چھ ماہ کی نولود بچی سونیہ کے آغواء کیس ،سونیہ کے والد مدعی مقدمہ عدالت کے سامنے پیش ۔بعدالت فاروق احمد جوڈیشل مجسٹریٹ نوشہرہ کے سامنے افغان تاجر سونیہ کے والد حمزہ خان نے 164کا بیان ریکارڈ کروادیا۔مدعی مقدمہ نومولود بیٹی کے آغواء کا جھوٹا غلط فہمی پر مقدمہ درج کرنے کا اعتراف کرلیا۔

میری نومولود بیٹی سونیہ اور بیوی خدیخہ باحفاظت لوگر آفغانستان پہنچ گئی ہیں۔

(جاری ہے)

مذید کوئی کاروائی نہیں کرنا چاہتا۔جوڈیشل مجسٹریٹ نوشہرہ نے نومولود بچی سونیہ کے مبینہ آغواء کرنے کا مقدمہ زیردفعہ PPC 364 A خارج کرنے کا حکم دے دیا۔ پولیس کے مطابق گزشتہ روز افغان مہاجر تاجر حمزہ نے تھانہ آکوڑہ خٹک میں رپورٹ درج کروائی کہ مولود چھ ماہ کی میری بیٹی سونیہ جھولے میں پڑی ہوئی تھی والدہ گھر کے کاموں میں مصروف تھی کہ برقعہ پوش آغواء کار خاتون گھر میں داخل ہوئی اور جھولے سے بچی کو آغواکرکے فرار ہوگئی۔تھانہ آکوڑہ خٹک پولیس نے باقاعدہ مقدمہ زیردفعہ PPC 364 A درج کرکے ملزمان کی تلاش شروع کردی ہے۔