ایکویسٹرین فیڈریشن آف پاکستان کے زیراہتمام سالانہ ریجنل نیزہ بازی چیمپئن شپ9 مئی سے شروع ہوگی

بدھ 7 مئی 2025 11:49

مکوآنہ (اُردو پوائنٹ اخبارتازہ ترین - این این آئی۔ 07 مئی2025ء)ایکویسٹرین فیڈریشن آف پاکستان کے زیراہتمام سالانہ ریجنل نیزہ بازی چیمپئن شپ 9 اور 10 مئی کوجامعہ زرعیہ فیصل آباد میں منعقد ہوگی۔

(جاری ہے)

سیکرٹری جنرل ایکویسٹرین فیڈریشن آف پاکستان میاں اسد حیات نے بتایا کہ تمام معزز ممبرسواران اور فیصل آباد ریجن کلبز کو آگاہ کیا گیا ہے کہ ایکویسٹرین فیڈریشن آف پاکستان کے زیراہتمام سالانہ ریجنل نیزہ بازی چیمپئن شپ فیصل آباد ریجن جس میں فیصل آباد، جھنگ، ٹوبہ ٹیک سنگھ، چنیوٹ، سرگودھا، بہاولپورکے سوار حصہ لے سکتے ہیں۔

چیمپئن شپ9 اور 10 مئی کو ایگریکلچر یونیورسٹی فیصل آباد میں منعقد کی جارہی ہے۔انہوں نے بتایا کہ نئے کلبزکی رجسٹریشن اور سالانہ تجدید فیس جمع کروانے کی آخری تاریخ 8 مئی مقرر کی گئی ہے۔میاں اسد حیات نے کہا کہ جو نئے کلب مذکورہ مقابلہ میں حصہ لینا چاہتے ہوں وہ ایکویسٹرین فیڈریشن آف پاکستان کے مجاز نمائندگان محمد مزمل سے موبائل نمبر 03311171278 اورمحمد حسیب سے موبائل نمبر 03035036031 پر رابطہ کرسکتے ہیں۔