Live Updates

عباس آفریدی نے سابق فاسٹ بولر کو اپنا آئیڈیل قرار دیدیا

عمر گل میرے چچا اور آئیڈیل ہیں، میں نے انہیں دیکھ کر کرکٹ کھیلنا شروع کی‘انٹرویومیں انکشاف

بدھ 7 مئی 2025 17:12

عباس آفریدی نے سابق فاسٹ بولر کو اپنا آئیڈیل قرار دیدیا

لاہور(اُردو پوائنٹ اخبارتازہ ترین - این این آئی۔ 07 مئی2025ء)پاکستان کے ابھرتے ہوئے اسٹار آل راؤنڈر عباس آفریدی نے اپنے آئیڈیل پلیئر کا نام بتا دیا۔پی ایس ایل کی مقبول ترین ٹیم کراچی کنگز کے اہم رکن عباس آفریدی نے اپنے کیریئر پر سابق فاسٹ باؤلر عمر گل کے اہم اثر و رسوخ کے بارے میں بات کرتے ہوئے انکشاف کیا کہ گُل ان کے آئیڈیل ہیں۔

(جاری ہے)

ایک انٹرویو میں میں انہوں نے کہا کہ عمر گل میرے چچا اور آئیڈیل ہیں، میں نے انہیں دیکھ کر کرکٹ کھیلنا شروع کی اور میں ہمیشہ ان کی طرح میچ وننگ پرفارمنس دینے کا ارادہ رکھتا ہوں۔

آفریدی نے اس بات پر بھی روشنی ڈالی کہ وہ کس طرح اپنے کھیل کو بہتر بنانے کے لیے گُل سے مشورہ لیتے ہیں۔ان کا کہنا تھا کہ پی ایس ایل سے پہلے، عمر گل مجھے پریکٹس سیشنز کے لیے لے گئے جہاں ہم نے پاور ہٹنگ پر کام کیا، اور اس سے میری بہت مدد ہوئی۔ 24 سالہ نوجوان نے خود کو آل راؤنڈر بتاتے ہوئے کہا کہ وہ بولنگ پر بیٹنگ کو ترجیح دیتے ہیں۔