ایس ای سی پی کی جانب سے موجودہ جغرافیائی سیاسی صورتحال کے درمیان مارکیٹ کے استحکام کی یقین دہانی

بدھ 7 مئی 2025 17:14

اسلام آباد (اُردو پوائنٹ اخبارتازہ ترین - اے پی پی۔ 07 مئی2025ء) سیکیورٹیز اینڈ ایکسچینج کمیشن آف پاکستان نے خطے میں جغرافیائی سیاسی کشیدگی کے تناظر میں صورتحال کا جائزہ لینے کے لیے ایک ہنگامی اجلاس طلب کیا ہے۔ اس وقت مارکیٹ کے استحکام اور سرمایہ کاروں کے اعتماد کو برقرار رکھنے کے لیے، ایس ای سی پی کیپٹل مارکیٹ کے آپریشنز میں تسلسل کو یقینی بنانے کے لیے اپنے عزم کا اعادہ کرتا ہے۔

کیپیٹل مارکیٹ انفراسٹرکچر ادارے (سی ایم آئی آئز)، جن میں پاکستان اسٹاک ایکسچینج(پی ایس ایکس )، نیشنل کلیئرنگ کمپنی آف پاکستان(این سی سی پی ایل ) اور سنٹرل ڈپازٹری کمپنی (سی ڈی سی) شامل ہیں ، ان سب نے اس اجلاس میں شرکت کی۔ ان اداروں نے یقین دلایا کہ پاکستان کی کیپیٹل مارکیٹس کے مؤثر اور بلا تعطل کام کو یقینی بنانے کے لیے مضبوط اور مؤثر رسک مینجمنٹ اقدامات موجود ہیں۔

(جاری ہے)

موجودہ صورتحال کے جواب میں، ایس ای سی پی نے تمام سی ایم آئی آئز کو مشورہ دیا ہے کہ وہ اپنے حفاظتی پروٹوکول اور آپریشنل تسلسل کے اقدامات کو فوری طور پر بڑھا دیں۔ اس میں تمام ٹریڈنگ، رسک مینجمنٹ، کلیئرنگ، اور سیٹلمنٹ سسٹمز میں سائبرسیکیوریٹی ڈیفنس کو مضبوط کرنا اور مکمل کاروباری تسلسل کے منصوبوں کو فعال کرنا شامل ہے۔سی ایم آئی آئز کو مزید مشورہ دیا گیا کہ وہ تمام سہولیات پر اپنے حفاظتی انتظامات کو مضبوط کریں۔

ایس ای سی پی صورتِ حال پر کڑی نظر رکھے ہوئے ہے اور ضرورت کے مطابق مزید اپ ڈیٹس جاری کرے گا۔ مارکیٹ کے شرکاء کو معمول کے مطابق اپنے آپریشنز جاری رکھنے کی ترغیب دی گئی ہے، جبکہ ایس ای سی پی اورسی ایم آئی آئزمل کر مارکیٹ کی سالمیت کے تحفظ کے لیے پیش رفت کا مسلسل جائزہ لے رہے ہیں۔