بھارتی فضائی حملوں کے پیش نظر سندھ بھر کے تمام اسپتالوں میں ہیلتھ ایمرجنسی نافذ

عملے کو 24 گھنٹے حاضری یقینی بنانے کی ہدایت اور ایمرجنسی رسپانس یونٹس کو الرٹ رہنے کا حکم بھی جاری

بدھ 7 مئی 2025 21:15

کراچی (اُردو پوائنٹ اخبارتازہ ترین - آن لائن۔ 07 مئی2025ء) بھارتی فضائی حملوں کے پیش نظر سندھ بھر کے تمام اسپتالوں میں ہیلتھ ایمرجنسی نافذ کردی گئی۔ محکمہ صحت کے مطابق صوبے بھر کے تمام اسپتالوں میں ہیلتھ ایمرجنسی کا اعلان کرتے ہوئے تمام طبی عملے کی چھٹیاں فوری طور پر منسوخ کردی گئی ہیں۔

(جاری ہے)

میڈیا کے مطابق محکمہ صحت کا بتانا ہے کہ سندھ کے تمام ا سپتالوں میں عملے کو 24 گھنٹے حاضری یقینی بنانے کی ہدایت کی گئی ہے اور ایمرجنسی رسپانس یونٹس کو الرٹ رہنے کا حکم بھی جاری کردیا گیاہے۔

ایمبولینس، آکسیجن، IV فلوئیڈز اور ادویات کی دستیابی یقینی بنائی جائے جبکہ غفلت پر سخت کارروائی کی جائے گی۔اس کے علاوہ ریسکیو 1122، ضلعی انتظامیہ اور قانون نافذ کرنے والے اداروں سے قریبی رابطے کی ہدایت کیساتھ ساتھ تمام ایمرجنسی کیسز کو مکمل توجہ اور احتیاط سے ڈیل کرنے کی بھی ہدایت کی گئی ہے۔