پاک بھارت کشیدگی سے فلائٹ آپریشن متاثر، حج پروازوں کے شیڈول سے متعلق معلومات کیلئے ہیلپ لائن قائم

جمعرات 8 مئی 2025 02:10

اسلام آباد (اُردو پوائنٹ اخبارتازہ ترین - اے پی پی۔ 08 مئی2025ء) وفاقی وزیر سردار محمد یوسف کی ہدایت پر وزارت مذہبی امور اور بین المذاہب ہم آہنگی نے عازمین حج کو ان کی پروازوں کے شیڈول کے بارے میں تازہ ترین معلومات فراہم کرنے کیلئے ایک وقف ہیلپ لائن قائم کی ہے۔ وزارت کے ترجمان محمد عمر بٹ کے مطابق عازمین حج ہیلپ لائن 9216980051- پر کال کر کے اپنے حج کے سفری انتظامات سے متعلق ریئل ٹائم اپ ڈیٹس اور مدد حاصل کر سکتے ہیں۔

(جاری ہے)

انہوں نے مزید کہا کہ ڈائریکٹر آئی ٹی جمیل الرحمان کی نگرانی میں کام کرنے والی ہیلپ لائن دو شفٹوں میں چوبیس گھنٹے کام کرے گی تاکہ بلا تعطل امداد کو یقینی بنایا جا سکے۔ انہوں نے بتایا کہ حافظ مجید پہلی شفٹ میں ہیلپ لائن انچارج کے طور پر کام کریں گے اور ان سے براہ راست 4509868-332-+92پر رابطہ کیا جا سکتا ہے۔ اس کے علاوہ اسسٹنٹ ڈائریکٹر ملک اسد دوسری شفٹ کی قیادت کریں گے اور ان سے 5365023 -321-+92پر رابطہ کیا جا سکتا ہے۔عمر بٹ نے کہا کہ زائرین کو مزید ہم آہنگی کیلئے اپنے متعلقہ حاجی کیمپوں سے رابطے میں رہنے کا بھی مشورہ دیا جاتا ہے۔