بانی پی ٹی آئی کی 9مئی کے 8مقدمات میں ضمانتوں پر درخواست کی سماعت 15مئی تک ملتوی

جمعرات 8 مئی 2025 17:21

لاہور (اُردو پوائنٹ اخبارتازہ ترین - اے پی پی۔ 08 مئی2025ء) لاہور ہائیکورٹ نے بانی پی ٹی آئی کی 9مئی کے 8مقدمات میں درخواست ضمانتوں پر سماعت 15مئی تک ملتوی کرتے ہوئے وکلا کو دلائل دینے کی ہدایت کردی ۔

(جاری ہے)

لاہور ہائیکورٹ کے جسٹس سید شہباز علی رضوی اور جسٹس طارق محمود باجوہ پر مشتمل بنچ نے بانی پی ٹی آئی کی 9مئی کے 8مقدمات میں درخواست ضمانتوں پر سماعت کی ،بانی پی ٹی آئی کی جانب سے بیرسٹر سلمان صفدر نے دلائل پیش کئے ۔

بانی پی ٹی آئی نے 9 مئی کے آٹھ مقدمات میں ضمانتوں کے لیے رجوع کر رکھا ہے۔ درخواستوں میں موقف اختیار کیا گیا کہ اے ٹی سی نے بانی پی ٹی ائی کی 9 مئی کے آٹھ مقدمات میں ضمانتیں خارج کردی ہیں جبکہ اسی نوعیت کے دیگر مقدمات میں درخواست گزار کی ضمانتیں منظور ہوچکیں ہیں ۔ درخواست گزار نے استدعا کی کہ عدالت بانی پی ٹی آئی کی ضمانتیں منظور کرنے کا حکم دے۔