راولپنڈی پولیس کی کارروائی، ،21 ملزمان گرفتار،اسلحہ ،منشیات ،موٹرسائیکلز و دیگر سامان برآمد

جمعرات 8 مئی 2025 21:30

راولپنڈی (اُردو پوائنٹ اخبارتازہ ترین - اے پی پی۔ 08 مئی2025ء) راولپنڈی پولیس نے سماج دشمن عناصر کے خلاف کارروائیاں کرتے ہوئے 21 ملزمان گرفتار کر کے اسلحہ ،منشیات ،موٹرسائیکلز و دیگرسامان برآمد کر لیا۔پولیس ترجمان کے مطابق آراے بازار پولیس نے کارروائی کرتے ہوئے رکشہ اور موٹر سائیکل چوری کی وارداتوں میں ملوث شخص کو گرفتار کرکے مسروقہ رکشہ اور 2 مسروقہ موٹر سائیکل برآمدکرلئے۔

صدرواہ پولیس نے کارروائی کرتے ہوئے تاش پر جوا کھیلنے والے 12 افراد کو گرفتار کرلیا۔

(جاری ہے)

حراست میں لئے گئے افراد سے داؤ پر لگی رقم 20 ہزار روپے، 6 موبائل فون اور تاش کے پتے برآمدہوئے۔سی پی اوسید خالدہمدانی کی ہدایت پر راولپنڈی کا منشیات سپلائر زکے خلاف موثر کریک ڈاؤن،4افراد کو گرفتار کرکے 4کلو سے زائد چرس اور شراب برآمد کی۔ منشیا ت کے خلاف کارروائیاں تھانہ کینٹ، گوجر خان، رتہ امرال اور کہوٹہ کے علاقوں میں کی گئیں۔ واہ کینٹ پولیس نے 3 افراد،کلرسیداں پولیس نے ایک فرد کو گرفتار کرکے اسلحہ معہ ایمونیشن برآمد کیا، زیر حراست افرادکے خلاف الگ الگ مقدمات درج کر لئے گئے۔