ٴ آئی ایم ایف ایگزیکٹو بورڈ کی قرض پروگرام کے تحت اگلی قسط کی منظوری خوش آئند ہے، عاطف اکرام

جمعہ 9 مئی 2025 23:00

م* اسلام آباد(اُردو پوائنٹ اخبارتازہ ترین - آن لائن۔ 09 مئی2025ء) صدر ایف پی سی سی آئی عاطف اکرام نے کہا ہے کہ آئی ایم ایف ایگزیکٹو بورڈ کی قرض پروگرام کے تحت اگلی قسط کی منظوری خوش آئند ہے ایگزیکٹو بورڈ نے ثابت کیا کہ آئی ایم ایف قرض کی منظوری نئی دہلی کی خواہشات پر نہیں دیتا پاکستان نے رواں مالی سال قرض پروگرام کے تمام اہداف کامیابی سے حاصل کئے ہیں ، آئی ایم ایف کی جانب سے پاکستان کے اقتصادی جائزے کی منظور ی، صدر ایف پی سی سی آئی نے ردعمل دیتے ہوئے کہا کہ پرائمری بیلنس، صوبائی سرپلس اور ٹیکس ٹو جی ڈی پی کے اہداف کا حصول بڑی کامیابیاں ہیں ملکی معیشت کی بہتری اور اقتصادی بحالی کیلئے وفاقی حکومت کی کوششیں اطمینان بخش ہیں وزیراعظم کی طرف سے معاشی پالیسیوں پر بزنس کمیونٹی کو اعتماد میں لینا خوش آئند ہے۔

(جاری ہے)

انہوں نے کہا کہ حکومت کی مثبت اصلاحات کے نتیجے میں معیشت استحکام کے راستے پر گامزن ہے کاروباری برادری پرامید ہے کہ آئی ایم ایف کا حالیہ قرض پروگرام آخری ثابت ہو گا۔