شہدا کی عظیم مائوں کو ابدی جذبات کے ساتھ سلام پیش کرتے ہیں، مریم نواز

اتوار 11 مئی 2025 17:50

لاہور (اُردو پوائنٹ اخبارتازہ ترین - اے پی پی۔ 11 مئی2025ء) وزیر اعلیٰ پنجاب مریم نوازنے کہا ہے کہ شہدا کی عظیم مائوں کو محبت، احترام اور شکر کے ابدی جذبات کے ساتھ سلام پیش کرتے ہیں۔

(جاری ہے)

اتوار کو '' ماں'' کے عالمی دن پر شہداء کی مائوں کو خراج تحسین پیش کرتے ہوئے انہوں نے کہا کہ ہمارے شہیدوں کی بہادر مائوں کو مدرز ڈے مبارک ہو،بہادر فوجیوں کی مائوں کو سلام جو ہر شب دعا گو ہوتی ہیں کیونکہ ان کے بیٹے ہماری سرحدوں کی حفاظت کرتے ہیں، خاموش جنگجو جن کے بیٹوں نے شہادت کو گلے لگایا تاکہ پاکستان فخر، خود مختار اور آزاد کھڑا ہو سکے۔

وزیر اعلیٰ نے کہا کہ ہم شہداء کی مائوں کے احسانات کے مقروض ہیں جنہیں بیان کرنے کیلئے ہمارے پاس الفاظ نہیں،شہدا کی مائوں کی محبت سب سے پاکیزہ، قربانی سب سے بڑی اور طاقت اس قوم کی روح ہے،شہدا کی عظیم مائوں کو محبت، احترام اور شکر کے ابدی جذبات کے ساتھ سلام پیش کرتے ہیں۔