آزاد کشمیر میں بھارتی گولہ باری سے 30 کشمیری شہید ہوئے،مظہر سعید

آزاد کشمیر حکومت شہداء کے خاندانوں کو 1، 1کروڑ روپے معاوضہ دے گی، وزیراطلاعات

اتوار 11 مئی 2025 20:40

آٹھ مقام (اُردو پوائنٹ اخبارتازہ ترین - این این آئی۔ 11 مئی2025ء)وزیرِ اطلاعات آزاد کشمیر مظہر سعید نے لائن آف کنٹرول (ایل او سی) پر بھارتی گولہ باری سے ہونے والے نقصان کی تفصیل بتا دی۔

(جاری ہے)

میڈیا سے گفتگو کے دوران مظہر سعید نے بتایا کہ آبادیوں پر بھارتی فوج کی گولہ باری سے 30 شہری شہید اور 65 زخمی ہوئے ہیں۔انہوں نے بتایا کہ کنٹرول لائن کے قریبی آبادیوں پر بھارتی گولہ باری سے 217 مکان بھی تباہ ہوئے ہیں۔وزیرِ اطلاعات مظہر سعید نے کہا کہ آزاد کشمیر حکومت شہداء کے خاندانوں کو 1، 1کروڑ روپے معاوضہ دے گی۔