پولیس ملازمین اور انکے اہلخانہ کے علاج معالجے کیلئے مزید 26لاکھ روپے کے فنڈزجاری کر دیئے ہیں،آئی جی پنجاب

پیر 12 مئی 2025 00:40

لاہور (اُردو پوائنٹ اخبارتازہ ترین - اے پی پی۔ 12 مئی2025ء) انسپکٹر جنرل پولیس پنجاب ڈاکٹر عثمان انور اپنی فورس اور انکے اہل خانہ کی ہیلتھ ویلفیئر کیلئے پرعزم ہیں جس کے تسلسل پولیس ملازمین اور انکے اہلخانہ کے علاج معالجے کیلئے مزید 26لاکھ 18ہزار روپے جاری کر دیئے۔ ترجمان پنجاب پولیس نے تفصیلات سے آگاہ کرتے ہوئے بتایا کہ مرحوم کانسٹیبل خالد محمود کی بیوہ کو برین ٹیومر کے علاج کیلئے 10 لاکھ روپے فنڈز جاری کیے گئے۔

انسپکٹر محمد خالد عمران کواپنی اہلیہ کے کینسر کے علاج کیلئے 2لاکھ 25ہزار روپے دئیے گئے ،اسی طرح انسپکٹر محمود بٹ، سب انسپکٹر اجمل خان اور ڈرائیور کانسٹیبل جعفر علی کو علاج معالجے کیلئے 2لاکھ روپے فی کس فنڈز جاری کیے گئے۔ ریٹائرڈ اے ایس آئی محمد صفدر، کانسٹیبلز محمد نوید اور غضنفر محمود کو علاج معالجے کیلئے ایک لاکھ روپے فی کس دئیے گئے۔

(جاری ہے)

کانسٹیبل وقاص لیاقت، انٹیلی جنس آپریٹر محمد محسن اور واشر مین اصغر علی کو علاج معالجے کیلئے مجموعی طور پر 2لاکھ روپے دئیے گئے۔اسسٹنٹ طارق محمود، لیڈی کانسٹیبل شاہین افضل اور ڈرائیور کانسٹیبل محمد اسد کو علاج معالجے کی مد میں مجموعی طور پر 2لاکھ 93ہزار روپے جاری کیے گئے۔ انہوں نے میڈیکل فنانشل اسسٹنس کمیٹی کی سکروٹنی کے بعد فنڈ اجرا کی منظوری دی۔ انہوں نے کہا کہ مختلف اداروں کے ساتھ ایم او یوز کے تحت بھی ملازمین کو علاج معالجے کی بہترین سہولیات فراہم کر رہے ہیں۔