اٹک، پولیس نے شہری کے گھر سے موبائل فونز، لیپ ٹاپ اور نقد رقم چوری کرنے والا ملزم گرفتار کر لیا

پیر 12 مئی 2025 17:30

اٹک (اُردو پوائنٹ اخبارتازہ ترین - اے پی پی۔ 12 مئی2025ء) اٹک پولیس نے شہری کے گھر سے موبائل فونز، لیپ ٹاپ اور نقد رقم چوری کرنے والا ملزم گرفتار کر لیا۔

(جاری ہے)

تھانہ صدر اٹک میں محمد شائق ولد صالحین خان سکنہ کوہاٹ حال شین باغ نے تحریری درخواست دی کہ رات 3 بجے گھر میں کچھ گرنے کی آواز آئی جو میری بیٹی کی آنکھ کھلی تو دو لوگ صحن میں نظر آئےجو میری بیٹی کو دیکھ کر چھت کی طرف چڑھ کر بھاگ گئے۔

بیٹی نے مجھے جگایا تو سامان کی پڑتال کرنے پر 4 عدد موبائل فونز، لیپ ٹاپ اور 3 عدد بٹوے جن میں 17000 روپے کیش تھی چوری کر کے لے گئے۔ تھانہ صدر اٹک پولیس نے مقدمہ درج کر کے شہری کے گھر سے چوری کرنے والے ملزم شہزاد خان ولد بخت خان سکنہ افغانستان حال محلہ اکبر آباد شین باغ تحصیل و ضلع اٹک کو گرفتار کرلیا جس سے مزید تفتیش جاری ہے۔\378