فیصل آباد بورڈ نے 20 مئی سے شروع ہونیوالے گیارہویں جماعت کے پہلے سالانہ امتحانات کی رول نمبر سلپس جاری کردیں

منگل 13 مئی 2025 12:32

مکوآنہ (اُردو پوائنٹ اخبارتازہ ترین - این این آئی۔ 13 مئی2025ء)اعلیٰ و ثانوی تعلیمی بورڈفیصل آبادنے 20 مئی سے شروع ہونیوالے گیارہویں جماعت(فرسٹ ایئر،انٹرمیڈیٹ پارٹ ون) کے پہلے سالانہ امتحانات2025 میں حصہ لینے والے طلبا وطالبات کی رول نمبر سلپس جاری کردی ہیں۔

(جاری ہے)

بورڈ آف انٹرمیڈیٹ اینڈ سیکنڈری ایجوکیشن فیصل آباد کے شعبہ تعلقات عامہ کے ترجمان ساجد نقوی کے مطابق ریگولر طلباوطالبات کو رول نمبر سلپس ان کے متعلقہ اداروں کی وساطت سے جبکہ پرائیویٹ طلباو طالبات کو رولنمبر سلپس ان کے داخلہ فارمز پر دیئے گئے پتوں پر ارسال کی جارہی ہیں۔

انہوں نے بتایا کہ مذکورہ رول نمبر سلپس بورڈ کی ویب سائٹ www.bisefsd.edu.pk سے بھی ڈاؤن لوڈکی جاسکتی ہیں۔ انہوں نے کہا کہ اس ضمن میں مزید رہنمائی یا معلومات کیلئے کنٹرولر امتحانات فیصل آباد کے دفتری فون نمبر 0412517710 پر بھی رابطہ کیا جاسکتا ہے۔انہوں نے بتایا کہ اکیڈمک سیشن 2021-23 تا2024-26 کا پہلا پیپر 20 مئی بروز منگل کو سوکس اور بزنس میتھ کامرس گروپ جبکہ 21 مئی بروز بدھ کوفزکس، ایجوکیشن اور پرنسپلز آف اکنامکس کے پیپرز ہوں گے۔ انہوں نے بتایا کہ امتحانات کے شفاف انعقاد کیلئے بھرپور اقدامات کئے جا ئیں گے۔

Facebook Twitter Google + Share on Whatsapp

فیصل آباد بورڈ نے 20 مئی سے شروع ہونیوالے گیارہویں جماعت کے پہلے سالانہ امتحانات کی رول نمبر سلپس جاری کردیں

مزید قومی خبریں