Live Updates

ویرات کوہلی کی اچانک ریٹائرمنٹ پر دہلی کوچ کا چونکا دینے والا انکشاف

ویرات نے بتایا تھا کہ وہ انگلینڈ کے خلاف پانچ میچوں کی ٹیسٹ سیریز کی تیاری کر رہے ہیں‘سرندیپ سنگھ

بدھ 14 مئی 2025 12:30

ویرات کوہلی کی اچانک ریٹائرمنٹ پر دہلی کوچ کا چونکا دینے والا انکشاف

نئی دہلی (اُردو پوائنٹ اخبارتازہ ترین - این این آئی۔ 14 مئی2025ء)بھارت کے مایہ ناز بلے باز ویرات کوہلی کی ٹیسٹ کرکٹ سے اچانک ریٹائرمنٹ پر دہلی کے کوچ نے چونکا دینے والا انکشاف کر دیا ہے۔کوہلی جو کچھ دن قبل تک ٹیسٹ کرکٹ جاری رکھنے کا واضح عندیہ دے چکے تھے۔ کرکٹر کا اچانک اعلان ان کے کسی مداح سے ہضم نہیں ہو رہا اور سب حیران ہیں۔ ایسے میں سابق بھارتی کرکٹر اور دہلی رانجی ٹرافی کے کوچ سرندیپ سنگھ نے چونکا دینے والا انکشاف کر کے نیا پنڈورا باکس کھول دیا ہے۔

(جاری ہے)

بھارتی میڈیا کیمطابق سرندیپ سنگھ نے دعویٰ کیا ہے کہ ویرات نے گزشتہ دنوں انہیں بتایا تھا کہ وہ انگلینڈ کے خلاف پانچ میچوں کی ٹیسٹ سیریز کی تیاری کر رہے ہیں اور جون میں انڈیا اے کے ساتھ پریکٹس میچ کھیلنے کو بھی تیار ہیں۔کوہلی کے اس واضح بیان کے بعد ان کے اس طرح سے اچانک ریٹائرمنٹ کا فیصلہ میرے لیے بھی حیران کن ہے۔واضح رہے کہ بھارت کے سینئر کھلاڑیوں روہت شرما اور ویرات کوہلی کے ٹیسٹ کرکٹ سے ریٹائرمنٹ کے بعد بھارت آئندہ ماہ جون میں 5 ٹیسٹ میچوں کی سیریز کھیلنے کے لیے انگلینڈ جائے گا اور میڈیا رپورٹ کے مطابق سلیکشن کمیٹی اس دورے کے لیے شبھمن گل کو کپتان مقرر کر سکتی ہے۔