Live Updates

50، 50 لاکھ تنخواہ وصول کرنیوالے مینٹورز پی سی بی سے فارغ

ذرائع کے مطابق چیئرمین پی سی بی محسن نقوی نے اہم اجلاس میں مینٹورز کی کارگردگی کا جائزہ لیا

ذیشان مہتاب منگل 13 مئی 2025 14:14

50، 50 لاکھ تنخواہ وصول کرنیوالے مینٹورز پی سی بی سے فارغ

لاہور (اردو پوائنٹ تازہ ترین اخبار ۔ 13 مئی 2025ء ) پاکستان کرکٹ بورڈ سے مینٹورز کو فارغ کرنے کا فیصلہ کرلیا۔

ذرائع کے مطابق چیئرمین پی سی بی محسن نقوی نے اہم اجلاس میں مینٹورز کی کارگردگی کا جائزہ لیا اور اس عہدے سے فارغ کرنے کا فیصلہ کیا۔

ذرائع کا بتانا ہے کہ مینٹورز وقار یونس، شعیب ملک، ثقلین مشتاق، مصباح الحق اور سرفراز احمد کو فارغ کردیا گیا ہے۔

اس کے علاوہ مصباح الحق اور سرفراز احمد کو پی سی بی میں اہم ذمہ داری دی جائیں گی، تاہم دونوں سابق کپتانوں کو کیا عہدے دیے جائیں گے، اس حوالے سے کوئی اعلان سامنے نہیں آیا ہے۔

اس اقدام کے پیچھے وجوہات کا انکشاف نہیں کیا گیا ہے اور پی سی بی نے ابھی تک اس معاملے پر کوئی سرکاری بیان جاری نہیں کیا ہے۔

(جاری ہے)